Slayer (engl. ‚Mörder‘ odr ‚Schlachter‘) isch e Thrash-Metal-Band us Huntington Park, Kalifornie. Sii zählt zo de iflussriichste Metal-Bands vo dr ganze Wält ond beldet zämme met Metallica, Anthrax o Megadeth die „Grosse Viär“ vom Thrash Metal.
Slayer isch im Johr 1981 vo dr bede Gitarriste Kerry King ond Jeff Hanneman gröndet wordä. Derzuecho sind no dr Schlagzüger Dave Lombardo o dr Sänger ond Bassischt Tom Araya. Im Novämber 1983 händ Slayer ehres Debüt Show No Mercy ufgnoh. D'choste händ sii sälber mösse träge.
Am 2. Mai 2013 isch dr Gitarrischt, Jeff Hanneman im Alter vo 49 Johr imene Chrankehuus i dr Nöchi vo siim Dihei i Südkalifornien a Leberversage gstorbe.