D Universität Züri, churz UZH, isch d Universität vom Kantoo Züri und di gröscht Uni vo de Schwiiz. Si litt i de Stadt Züri.
Di maiste Gebäude vertailet sich uf s Univiertel und uf de Campus Irchel mitem Irchelpark. Agschlosse a de Universität Züri sind au Musee und Bibliotheke. D Uni Zöri zällt momentan rund 26'000 Studente und rund 7'600 Mitarbaiter.
Gründet wore isch d Uni ane 1833, und hät im erste Joor 161 Studente und 55 Dozente ghaa. Si isch d Noochfolgeri gsy vo de Höchere Schuele für Theology (die häts sit 1525 ggä), für Jurisprudänz und für Medizin.