Касьцёл Сьвятой Ганны (Варонча)
Інструмэнты
Агульныя
Друк/экспарт
У іншых праектах
Помнік сакральнай архітэктуры | |
Касьцёл Сьвятой Ганны | |
Касьцёл Сьвятой Ганны | |
Краіна | Беларусь |
Вёска | Варонча |
Каардынаты | 53°24′47.24″ пн. ш. 26°3′36.06″ у. д. / 53.4131222° пн. ш. 26.0600167° у. д. / 53.4131222; 26.0600167 26°3′36.06″ у. д. / 53.4131222° пн. ш. 26.0600167° у. д. / 53.4131222; 26.0600167 |
Канфэсія | Каталіцкая царква і каталіцтва |
Эпархія | Гарадзенская дыяцэзія |
Архітэктурны стыль | барока і клясыцызм |
Дата заснаваньня | 1808 |
Статус | Ахоўная зона |
Касьцёл Сьвятой Ганны | |
Касьцёл Сьвятой Ганны на Вікісховішчы |
Касьцёл Сьвятой Ганны — помнік архітэктуры XVIII ст. у Варончы. Знаходзіцца на паўднёва-заходняй ускраіне вёскі. Твор архітэктуры барокавага клясыцызму.
Касьцёл збудавалі ў 1773 годзе (паводле іншых зьвестак, у 1781 або 1809 годзе) з фундацыі ваяводы наваградзкага Юзэфа Несялоўскага, асьвячоны віленскім біскупам Ігнаціем Масальскім.
Па другім падзеле Рэчы Паспалітай (1793 год) касьцёл працягваў дзейнічаць. У 1816 годзе фундатар спачыў ў крыпце касьцёла.
У касьцёлы былі хрышчоныя Ян Чачот і Марыля Верашчака — каханая Адама Міцкевіча. Марыля тутака ж узяла шлюб з графам Ваўжынцам Путкамерам. Каля касьцёла знаходзяцца 4 магілы Булгакаў.
За часамі Другой сусьветнай вайны ў 1943 годзе касьцёл спалілі савецкія партызаны. У 1950-я гады помнік часткова ўзарвалі.
У 1995 годзе сьвятыню вярнулі каталікам, аднавіліся набажэнствы.
Помнік архітэктуры сымбіёзнага барокава-клясыцыстычнага стылю (або клясыцызму[1]). Гэта 3-нэфавая 2-вежавая базыліка. Галоўны фасад з 6-калённым портыкам завяршаецца антаблемэнтам. З бакоў узвышаюцца дзьве 3-ярусныя купальныя вежы з трыкутным франтонам паміж імі.
У інтэр'еры часткова зьберагліся цыліндрычныя скляпеньні з распалубкамі, якія перакрываюць 3 нэфы. Алтарная частка аздабляецца росьпісамі на архітэктурныя матывы.
З тылу касьцёла ўмураваная фундацыйная табліца з гербам Юзафа Несялоўскага і яго жонкі з роду Масальскіх.