Xavér Ferenc BRUNA [ksavEr], laŭ hungarlingve kutima nomordo Bruna Xavér Ferenc estis hungara pastro, monaĥo, astronomo, matematikisto, profesoro.
Xavér Ferenc Bruna [1] naskiĝis la 14-an de septembro 1745 en Zagrebo. Li mortis la 30-an de novembro 1817 en Pest (urbo).
Xavér Ferenc Bruna aliĝis al la jezuitoj en 1762. Li studis filozofion kaj teologion, fine li doktoriĝis en Buda. En 1773 la ordeno ne rajtis funkcii plu, tial Bruna estis pastro, krome li havis postenon en observatorio de Buda. Li helpis laborojn de Ferenc Weiss kaj Ferenc Taucher. En 1785 li estis membro en Societas Meteorologicae Palatinae en Mannheim. Ekde 1798 li instruis matematikon en Reĝa Universitato de Pest, kie li estis rektoro en la studjaro 1810 [2].