Մայքլ Ուելշ
Գործիքներ
Գործողություններ
Ընդհանուր
Տպել/արտահանել
Այլ նախագծերում
Մայքլ Ուելշ | |
---|---|
Ծնվել է | հուլիսի 25, 1987 |
Ծննդավայր | Լոս Անջելես, Կալիֆոռնիա, ԱՄՆ |
Քաղաքացիություն | ԱՄՆ |
Մասնագիտություն | դերասան |
Ակտիվ շրջան | 1998 - այժմ |
Ընտրանի | Մթնշաղ, Joan of Arcadia?, Z Nation? և Star Trek: Insurrection? |
Պարգևներ և մրցանակներ | |
michaelwelchonline.com | |
Մայքլ Ալան Ուելշ (անգլ.՝ Michael Alan Welch, հուլիսի 25, 1987(1987-07-25), Լոս Անջելես, Կալիֆոռնիա, ԱՄՆ), ամերիկացի դերասան, ով առավել հայտնի է «Նոր Ժաննա Դ'Արկ» սերիալում գլխավոր հերուսուհու՝ Ջոանի փոքր եղբոր դերում։ Ինչպես նաև Մայք Նյուտոնի դերում «Մթնշաղ» ֆիլմում։
Մայքլ Ուելշը ծնվել է 1987 թվականին Լոս Անջելեսում, Կալիֆոռնիայում[1]։
10 տարեկանից Մայքլը նկարահանվել է ֆիլմերում, առաջին անգամ՝ սերիալներում։ Մայքլի դերասանական խաղը նկատում են բոլորը և նա նկարահանվում է ավելի քան 30 հեռուստասերիալներում և կինոնկարներում։ 1998 թվականից նրան արդեն կարելի է տեսնել Ջոնաթան Ֆրեյքսի ֆանտաստիկ ժանրի «Աստղային ճանապարհ. Վերելք» ֆիլմում, իսկ 2000-ականներից՝ Դեյվիդ Էբերսոուլի «Ճիշտ դատիր» ֆիլմում։ 2002 թվականին Ուելշը նկարահանվել է Ալեքսանդր Ջոնսթոնի «Տիկնիկային հրեշտակ» ֆիլմում, որտեղ խաղալուց բացի նաև կինոնկարի ձայնային ռեժիսորն է հանդիսացել և դրանից հետո թողարկվել են նրա աշխատանքները՝ մուլտֆիլմեր, որոնցից են «Rocket Power: Race Across New Zealand», «Միկիի կախարդական Սուրբ Ծնունդը» (Mickey’s Magical Christmas: Snowed in at the House of Mouse)։
Դերասանի ամենաճանաչված դերը եղել է «Նոր Ժաննա Դ'Արկ» սերիալում գլխավոր հերուսուհու՝ Ջոանի փոքր եղբոր դերը։ Սերիալը էկրաններին է հայտնվել 2003-2005 թվականներին։ Մայքլը մարմնավորում էր Լյուկին, ով տասնհինգ տարեկան պատանի էր և երազում էր վերցնել կյանքից ամեն ինչ երջանիկ լինելու համար։
Հաջորդ, ավելի կարևոր դերը նրա կարիերայում եղել է Մայք Նյուտոնի դերը Քեթրին Հարդվիկի «Մթնշաղ» ֆիլմում[2]։ Այս դերի շնորհիվ դերասանը «աստղ»-ի կարգավիճակում է հայտնվել։
Բացի կինոյից Մայքլ Ուելշը զբաղվում է երաժշտությամբ, նա փոքր հասակից նվագում է հարվածային գործիքների վրա։ Ժամանակ առ ժամանակ համերգներ է տալիս իր խմբի հետ, որի կազմում նաև իր ընկերն է՝ դերասան Ջոի Զիմերմանը։