Մարի Չելեստե (անգլ.՝ Mary Celeste), ամերիկյան առևտրական բրիգանտ նավ, որը լքված գտնվել է Ատլանտիկ օվկիանոսում` Ազորյան կղզիների մոտ 1872 թվականի դեկտեմբերի 5-ին։ Կանադական մեկ այլ բրիգանտ` Դեի Գրացիան (անգլերեն` Dei Gratia) գտավ այն լքված, բայց նավարկության համար պիտանի վիճակում, բայց փրկամակույկներից մեկը պակասում էր։ Նավի հաշվետվեմատյանում վերջին գրառումը արվել էր 10 օր առաջ։ Նավը նոյեմբերի 7-ին շարժվել էր Նյու Յորքից Ջենովա մեկնելու համար։ Նավը գտնելու պահին գտնվում էր սարքին վիճակում` շարժիչը աշխատում էր, կար վառելիքի բավարար պաշար։ Անձնակազմի բոլոր անդամների իրերը իրենց տեղում էին։ Նավի տախտակամածին եկածներից և ոչ մեկը հետագայում չգտնվեց։ Նավի անձնակազմի անհետացումը, որը տեղի էր ունեցել Բերմունդյան եռանկյունու տարածքում, նպաստեց աշխարհագրական այդ տարածքի մասին նոր լեգենդներ հյուսելուն։
