Fontes Coloratenses[1] (AngliceColorado Springs) sunt municipalitas se regnans quae per aream est maxima urbs in Colorato et sedes municipalitasque frequentissima comitatus El Paso. Quae urbium cuius civitatis per numerum incolarum est secunda post Denverium, scilicet 609 096 anno 2007. Urbs prope Pikes Peak, culmen notissimum, ad radicem Montium Saxosorum australium iacet.
Hic Universitas Coloratensis apud Fontes Coloratenses condita, duo quoque castra exercitus nationalis sita sunt.
Fontes Coloratenses anno 1871 a Gulielmo Palmer, qui hic ad devorticulum quondam bonum condendum venerat, conditi sunt. Haec urbs mox Parvum Londinium ob multitudinem peregrinatorum Anglicorum hic venientes appellatum est. Pikes Peak paradisumque "Hortum deorum(en)" nuncupatum peregrinatoribus maxime placebant.
Deversorium nomine Antlers anno 1873 conditum est, quo loco multi peragrinatores atque quidam homines ad salutem meliorem facendam spectantes, ob hanc tempestatem bonam aridamque, migraverunt. Postea, ferrivia condita, Fontium Coloratensium fama valde crevit.
