ഇ. ശ്രീധരൻ (ചരിത്ര പണ്ഡിതൻ)
ഉപകരണങ്ങൾ
സാർവത്രികം
അച്ചടിയ്ക്കുക/കയറ്റുമതി ചെയ്യുക
ഇ. ശ്രീധരൻ | |
---|---|
ജനനം | ഇ. ശ്രീധരൻ |
മരണം | തിരുവനന്തപുരം |
ദേശീയത | ഇന്ത്യൻ |
തൊഴിൽ | ചരിത്ര പണ്ഡിതനും അധ്യാപകനും |
അറിയപ്പെടുന്ന കൃതി | നെപ്പോളിയന്റെ ജീവചരിത്രം |
ചരിത്ര പണ്ഡിതനും കേരള യൂണിവേഴ്സിറ്റി മുൻ ചരിത്രവി ഭാഗം റീഡറുമായിരുന്നു പ്രൊഫ. ഇ. ശ്രീധരൻ (മരണം: 02 ആഗസ്റ്റ് 2020).
പാലക്കാട് ചെർപ്പുളശ്ശേരി ഇടമരത്താടിയാണ് തറവാട്. മദ്രാസ് ക്രിസ്ത്യൻ കോളേജിൽ നിന്ന് ചരിത്രത്തിൽ ഒന്നാം റാങ്കോടെയാണ് എം.എ. ബിരുദം നേടിയത്. തിരുവനന്തപുരം യൂണിവേഴ്സിറ്റി കോളേജ്, ഗവ. ആർട്സ് കോളേജ്, തലശ്ശേരി ബ്രണ്ണൻ കോളേജ്, കാലടി ശ്രീശങ്കരാചാര്യ സംസ്കൃത സർവകലാശാല എന്നിവിടങ്ങളിൽ ചരിത്രാധ്യാപകനായിരുന്നു. ഹിസ്റ്റോറിയോഗ്രാഫി, ഹിസ്റ്റോറിക്കൽ മെത്തഡോളജി എന്നീ വിഷയങ്ങളിൽ നിഷ്ണാതനായിരുന്നു. 'ഹിസ്റ്റോറിയോഗ്രാഫി (ബി.സി. 600 മുതൽ 2000 വരെ)' എന്ന ഗ്രന്ഥം ചരിത്രാധ്യാപകർക്കും ഗവേഷകർക്കുമിടയിൽ ലോകശ്രദ്ധ നേടിയിരുന്നു. ഈ കൃതിയും 'എ മാനുവൽ ഓഫ് ഹിസ്റ്റോറിക്കൽ റിസർച്ച് മെത്തഡോളജി' എന്ന ഗ്രന്ഥവും വിവിധ ഭാരതീയ ഭാഷകളിൽ വിവർത്തനം ചെയ്തിട്ടുണ്ട്. മലയാളത്തിൽ രചിച്ച 'നെപ്പോളിയന്റെ ജീവചരിത്രം' ബൃഹദ് ഗ്രന്ഥമാണ്. [1]ഭാഷാ ഇൻസ്റ്റിറ്റ്യൂട്ട് പ്രസിദ്ധീകരിച്ച 'ലോകചരിത്രം (1600 മുതൽ 1960 വരെ)' 17 പതിപ്പുകൾ പിന്നിട്ടു. രാജാ രവിവർമയെക്കുറിച്ചുള്ള ഏക വിഷയപ്രബന്ധവും ഋഗ്വേദം, സാംഖ്യശാസ്ത്രം എന്നിവയെ അധികരിച്ചു തയ്യാറാക്കിയ പ്രാചീന ഭാരതത്തിലെ ശാസ്ത്രീയതയുടെ തുടക്കം എന്ന പ്രബന്ധവും ഏറെ ചർച്ച ചെയ്യപ്പെട്ടിരുന്നു.[2]ഭാര്യ: പുത്തേഴത്ത് സത്യ
02 ആഗസ്റ്റ് 2020 ന് അന്തരിച്ചു.
ശ്രീധരമേനോൻ പുരസ്കാരം, മികച്ച അധ്യാപകനുള്ള പ്രൊഫ. കൊച്ചുണ്ണി പണിക്കർ സ്മാരക പുരസ്കാരം എന്നിവ ലഭിച്ചിട്ടുണ്ട്.