Si Papa Eusebio (mula sa Griyegong Koine na Εὐσέβιος "relihiyoso"; namatay noong 17 Agosto 309 o 310 CE) ang Papa ng Simbahang Katoliko Romano mula 18 Abril hanggang sa kanyang kamatayan noong 309 o 310 CE. [2]
Ang kanyang kapapahan ay tumagal lamang ng apat na buwan. Dahil sa mga kaguluhan sa loob ng Simbahang Katoliko Romano na humantong sa mga karahasan pagkatapos ng kanyang kapapahan ay ipinatapon siya ni Emperador Maxentius na pinuno ng Roma mula 306 at sa simula ay kaibigan ng mga Kristiyano. Ang kahirapan ay lumitaw gaya ng kanyang hinalinhan na si Papa Marcelo I dahil sa kanyang saloobin tungo sa lapsi na kumatawan sa mas katamtamang pananaw. Si Eusebio ay namatay sa pagkakatapon sa Sicily at inilibing sa katakumba ni Calixto. Naglagay si Papa Damaso I ng isang epitaph ng 8 heksametro sa ibabaw ng kanyang puntod. Ang epithet na martir ay hindi dapat unawain sa striktong kahulugan. Ang kanyang pista ay tuwing Setyembre 26.
