譚詠麟 | |
---|---|
歌手 | |
原名 | 譚詠麟 |
英文名 | Alan Tam |
花名 | 阿倫、譚校長、譚伯、巢皮倫 |
國籍 | 中國(香港) 英國國民(海外) |
籍貫 | 廣東新會 |
出世 | (1950-08-23) 1950年8月23號(73歲) 英屬香港北角健康村平房區 |
職業 | 歌手、演員 |
配偶 | 楊潔薇、朱穎婷 |
仔女 | 譚曉風、潭澤峰 |
音樂類 | 粵語流行音樂、華語流行音樂 |
活躍年代 | 1970年代至今 |
唱片公司 | 環球唱片 |
經紀公司 | 藝能娛樂製作 |
相關團體 | 溫拿 |
前任成員 | |
鍾鎮濤、彭健新、葉智強、陳友 |
譚詠麟,MH(英文:Alan Tam,1950年8月23號—),原名潭澤峰,花名阿倫、阿麟[註 1][註 2]或「譚校長」,係已故足球名宿譚江柏個仔,喺香港出世,廣東新會人,佢係廣東話地區好有影響力嘅香港粵語流行曲歌星同電影演員,亦都係1980至1990年代嘅樂壇巨星,曾經喺1984年到1987年嘅《十大勁歌金曲頒獎典禮》連續四屆攞咗「最受歡迎男歌星」,直到而家仍然喺歌壇同埋娛樂界活躍,當佢講到有關年齡問題時,佢成日話自己「年年都廿五歲」嚟倡導樂觀、開朗嘅年輕心態。阿倫最出名係唱浪漫情歌,同以快歌同埋台風取勝嘅紅星。
2006年,譚詠麟參與903廣播劇黃金少年,又唱埋主題曲,之後重喺2006年十大勁歌金曲頒獎典禮勁歌金曲25週年榮譽金曲獎——愛情陷阱。
1950年,譚詠麟響北角健康村平房區度出世,佢屋企有2個家姐同3個妹妹,佢係譚家唯一嘅仔。譚詠麟喺北角官立小學同埋馬伕子弟學校、筲箕灣官立中學讀書,1972年,佢短暂響新加坡義安工藝學院度主修經濟學。
譚詠麟嘅歌唱事業喺1973年組成嘅溫拿樂隊正式開始。1970年代,陳友、彭健新、鍾鎮濤、葉智強同譚詠麟組成嘅溫拿樂隊,喺嗰年嘅樂隊熱潮紅極一時。譚詠麟嘅歌聲喺溫拿表現出色,並因此而成為溫拿嘅主音歌手。1978年,溫拿樂隊解散,各成員獨立發展,譚詠麟從1979年開始推出個人專輯。佢嘅第一張個人專輯係《反斗星》,而喺早期作品中最成功係1984年推出嘅《愛的根源》、《霧之戀》以及1985年推出嘅《愛情陷阱》,呢三張唱片合稱「愛情三部曲」。
1980年代中期,香港嘅樂壇進入咗「譚張爭霸年代」,即譚詠麟同埋張國榮喺樂壇爭霸嘅時期。其中,譚詠麟喺1984至1987年度《十大勁歌金曲頒獎典禮》連續四屆攞咗「最受歡迎男歌星」;譚詠麟喺1987宣布唔再領獎後,張國榮就喺1988至1989年度《十大勁歌金曲頒獎典禮》連續兩屆攞咗「最受歡迎男歌星」。
雖然佢哋嘅歌迷之間有不和,而佢哋亦喺事業上有所爭鬥,但佢哋之間從未喺傳媒面前表現出同對方不和。1999年,佢哋甚至一齊合唱咗原屬於譚詠麟嘅歌曲《幻影》同埋《霧之戀》嘅混合版[1]。
譚詠麟紅極一時嘅經典歌曲包括《愛的根源》、《愛情陷阱》、《朋友》、《水中花》、《一生中最愛》 等。「譚張爭霸」隨住譚詠麟喺第十屆(1987年度)十大中文金曲頒獎音樂會中宣布唔再領獎後宣告結束。
踏入1990年代,雖然佢唔再領獎,但仍然留守樂壇,並保持每年都出新唱片。
喺1996年度十大中文金曲頒獎典禮獲得「香港樂壇最高榮譽大獎——金針獎」
2003年年初,譚詠麟同李克勤合作演出《左麟右李演唱會》,大受歡迎,喺香港掀起咗「左麟右李」熱潮。此後兩度加場,並喺中國大陸、澳門、東南亞同美加作巡迴演出咗90場。
截至2005年,譚詠麟已推出104張個人唱片(唔包括舊歌精選集),所演繹嘅歌曲超過800首,唱片總於1995年已總共賣咗超過2000萬張。此外,譚詠麟以總場數264場(其中個人演唱會189場)保持著香港本地演唱會嘅場數紀錄。
作為一個電影演員,佢演出過好多喜劇,例如《黃飛鴻笑傳》、《黃飛鴻對黃飛鴻》同埋同成龍合演嘅《龍兄虎弟》等。1981年憑《假如我是真的》攞咗金馬獎最佳男主角。
譚詠麟已婚,但一直冇向外界公開,直到佢其中一位岳父楊碧山喺1993年離世,佢個名出現喺訃告上,呢段婚姻先至算半公開([3])。佢另一位「知己」妻子同所生嘅仔喺2006年3月23日香港電台第一台節目,佢首度開腔公開同朱穎婷同埋個仔嘅關係([4])。
譚詠麟喺1997年前曾經拍過講述中國文革後政治腐敗嘅台灣電影《假如我是真的》,更加喺1989年《民主歌聲獻中華》錄過為學運打氣嘅片段,片段中嘅佢更加聲言要「剝你棚牙」(雙關語,亦可以解做「剝李鵬牙」,李鵬係當時中國嘅國務院總理,代表支持鎮壓學運嘅強硬派)。
不過後來佢嘅政治立場轉為親中,曾經身為選委嘅佢,就多次提名中共屬意嘅特首候選人;佢亦都多次支持香港政府施政。近年嚟,佢就支持過政府推行國民教育,不過佢即刻畀網民翻舊帳,話佢一邊支持國民教育,另一邊廂居然安排自己個仔去讀國際學校,之後個仔重去埋美國留學。而譚詠麟本人亦都畀傳媒影過佢揸住英國國民(海外)護照(BNO)出境,畀人串佢「講一套,做一套」。
另外喺2019年,譚詠麟同埋佢班藝人朋友,包括陳百祥、鍾鎮濤哋去咗支持警察執法嘅集會,表明撐警察喺反修例運動嘅所為,亦曾經被揭武漢肺炎疫情期間同警隊高層聚會[3]。
佢曾經有份參與一份聯署,支持北京未經諮詢或香港人同意,強行訂立嘅《港版國安法》[4][5],但有關聯署之後被揭發做假,其中名單上嘅張寶華、徐熙媛、李巧靈同蔣志光之後否認有份參與,而陳汝騫就一早離世[6]。
時至今日,網民仍然會攞佢喺八九民運講過嘅說話,同佢近期嘅政治表態做對比,取笑佢覺今是而昨非嘅政治立場。
喺2021年9月,佢經指定團體提名(中國文學藝術界聯合會香港會員總會有限公司)成為香港特别行政區選舉委員會體育、演藝、文化及出版界委員[7]。之後佢喺李家超無提政綱嘅情況下,有份提名李家超參與2022年香港行政長官選舉[8]。
2020年2月16號喺武漢肺炎疫情肆虐期間,譚詠麟同一唔同前度或現役嘅警務人員,包括朱經緯警務處處長鄧炳強、總警司謝振中、仲有多名藝人包括成龍、曾志偉、方中信等,出席晨曦明星隊晚宴,違反限制令,而晚宴嘅短片同照片,之後喺網上瘋傳並惹熱議[3]。
2021年11月,䁥稱「悲伤牛肉面_」嘅微博用户出帖,公開指摘71歲譚詠麟為老不尊,同個23歲後生擁躉,亦即係控訴者嘅女朋友上床。跟住譚詠麟所屬公司藝能製作否認同譴責,然而「悲伤牛肉面_」企硬噉回應,堅持立場。現時雙方已經無再交鋒,「悲伤牛肉面_」嘅所有圖文帖亦都唔見澌,緋聞真偽未有定論。[9]
粵語專輯 | 反斗星 · 愛到你發狂 · 忘不了您 · 愛人‧女神 · 精裝譚詠麟 · 春... 遲來的春天 · 霧之戀 · 愛的根源 · 愛情陷阱 · 暴風女神 Lorelei · 第一滴淚 · 牆上的肖像 · 再見吧!?浪漫 · 迷惑 · 擁抱 · 愛念 · 忘情都市 · 夢幻舞台 · 世外桃源 · 神話 1991 · 迷情 · 情人 · 愛情故事 · 我的生命我的愛 · 情心義膽 · 笑看人生 · 夢幻的笑容 · 喜愛 · 伴我飛翔 · 實在男人 · 獨一無二 · 思前想後 · 永恆的珍 · 我們一起走過的日子 · 我們一起唱過的歌 · 在乎 · 飛馬 · 無限...感激 · 誰可改變15週年紀念集 · 自選角度 · 愛自己 · 非一般的譚詠麟 · 不一樣的譚詠麟 - 首部曲 · 不一樣的譚詠麟 - 二部曲 · 左麟右李 · 天‧地 · 星光大道 · ALAN‧聽 · The Best Sound Ever Reborn - 愛的根源 · Mr. Tam 再度感動 · Rolling Power · 一點光 Shine A Light · Time After Time · 708090後 · 男人的歌 · 銀河歲月 |
---|---|
國語專輯 | 彈起來!唱起來!尋找 · 你的凝望 · 半夢半醒之間 · 心手相連 · 像我這樣的朋友 · 難捨難分 · 我真的和他們不同 · 不滅的愛 · 讓愛繼續 · 青春夢 · 讓我們做得更好 · 把你藏在歌裡面都為了愛 · 在乎 · 不一樣的譚詠麟 - 二部曲 · 天‧地 · 最愛笑的人 · Rolling Power · Time After Time · 欣賞 |
外文專輯 | |
演唱會專輯 | 譚詠麟84演唱會 · 譚詠麟'86萬眾狂歡演唱會 · 譚詠麟'87演唱會 · 譚詠麟再續浪漫'89演唱會 · 譚詠麟夢幻柔情演唱會'91 · 譚詠麟94純金曲演唱會(香港大球場) · 譚詠麟97金曲回歸演唱會 · 譚詠麟魅力千禧演唱會 · 譚詠麟飛一般演唱會2001 · 港樂 Alan Live 2002 · 左麟右李演唱會2003 · 左麟右李04開心演唱會 · 譚詠麟歌者戀歌濃情30年演唱會 · 左麟右李演唱會2009 · 譚詠麟2010再度感動演唱會 · 左麟右李十週年演唱會2013 (香港有聲音) |
勁歌金曲頒獎典禮最受歡迎男歌星 | |
---|---|
1980年代 | |
1990年代 | |
2000年代 | |
2010年代 | |
2020年代 | |
註:2017年(即第35屆),呢個獎合併做最受歡迎歌星獎 |
叱咤樂壇流行榜頒獎典禮叱咤樂壇男歌手銀獎 | |
---|---|
1980年代 | |
1990年代 | |
2000年代 | |
2010年代 | |
2020年代 |
勁歌金曲頒獎典禮金曲金獎 | |
---|---|
1980年代 | |
1990年代 | |
2000年代 | |
2010年代 | |
2020年代 |
新城勁爆頒獎禮年度專輯大獎 | |
---|---|
1990年代 | |
2000年代 | 2001 謝霆鋒 《玉蝴蝶》 · 2002 劉德華 《美麗的一天》 · 2003 Twins 《Touch Of Love》、李克勤、譚詠麟 《左麟右李演唱會2003》 · 2004 容祖兒 《Nin9 2 5ive》、《Show up 容祖兒演唱會 Live CD》、古巨基 《大雄》 · 2005 陳奕迅 《U87》、李克勤 《李克勤演奏廳》、古巨基 《星戰》、達明一派 《The Party》 · 2006 李克勤 《李克勤演奏廳II》 · 2007 陳奕迅 《Listen To Eason Chan》 · 2008 黃耀明 《King Of The Road》、Irene A 《香港心 Canning's Blue & Songs by the Beatles》 · 2009 陳奕迅 《H³M》 |
2010年代 | 2010 RubberBand 《Connected》 · 2011 容祖兒 《Joey & Joey》 · 2012 鄧紫棋 《Xposed》 · 2013 C AllStar 《Cantopopsibility》 · 2014 謝安琪 《Kontinue》 · 2015 陳柏宇 《Escape》 · 2016 從缺 · 2017 側田 《The Drug Called Music》 · 2018 張敬軒 《Senses Inherited》 · 2019 陳健安 《本原》 |
2020年代 | 2020 馮允謙 《Awaken》 |
註1:2006年度前唔設勁爆年度專輯大獎,剩係設勁爆專輯獎。 註2:新城勁爆頒獎禮喺2016年開始改革,嗰年未頒呢個獎,2017年起改返勁爆專輯獎。 |
歷屆IFPI香港唱片銷量大獎全年最高銷量本地男歌手 | |
---|---|
1990年代 | |
2000年代 | |
2010年代 |
十大中文金曲頒獎音樂會金針獎 | |
---|---|
1980年代 | |
1990年代 | |
2000年代 | |
2010年代 | |
註1:金針獎係非常設獎項,唔係年年都頒。 註2:* 代表追頒 |
金馬獎最佳男主角 | |
---|---|
1960年代 | |
1970年代 | |
1980年代 | |
1990年代 | |
2000年代 | |
2010年代 | |
2020年代 | |
最佳男配角 · 最佳女主角 · 最佳女配角 · 最佳新演員 |
歷屆IFPI香港唱片銷量大獎最高銷量廣東唱片 | |
---|---|
1980年代 | 1987 張國榮 《Summer Romance》 · 1988 譚詠麟 《擁抱》 · 1989 陳慧嫻 《永遠是你的朋友》 |
1990年代 | |
2000年代 | |
2010年代 |
香港賭博電影 | |
---|---|
賭神系列 | 賭神(1989年) · 賭神2(1994年) · 賭神3之少年賭神(1996年) |
賭俠系列 | |
賭聖系列 | |
至尊系列 | 至尊無上(1989年) · 至尊計狀元才(1990年) · 至尊無上II之永霸天下(1991年) |
其他 | |
主演演員 |