周深

周深籍貫湖南，喺湖南邵陽邵陽出世，小二跟父母去貴州貴陽住^[12]。從細就被老師發現“唱歌不會跑調”從而加入合唱團^[13]。但喺變聲期，佢嘅聲線並冇發生變化^[14]，依然保持咗喺童聲同女聲之間嘅音色，導致佢喺初中三年時間內都唔敢喺同學面前唱歌。但升上高中冇耐嘅一場校園歌唱大賽周深攞到冠軍，令佢喺校園裏慢慢有名氣，有師兄主動請佢唱自己嘅原創歌曲《雨後你不見了》，令佢揾返唱歌嘅自信^[15]。

高中畢業後周深去烏克蘭求學，原先研修醫科，喺入學一年後轉到烏克蘭利沃夫國立音樂學院（英文：Lviv_Conservatory）學聲樂專業美聲唱法，並喺2016年5月畢業^[16][17]。

出道前

2010年周深進入網路語音平臺YY唱歌，花名“卡布叻”。佢喺網上有自己嘅第一批粉絲，呢個時期嘅粉絲叫自己做“布丁”^[18]。個陣嘅網路語音平臺上，大家剩係聽到佢嘅聲音，睇唔到樣。2014年頭，佢用九國語言翻唱嘅《Let it go》喺網絡播放咗成百萬次^[19][20]。

2014年參加好聲音

由於聲音同外形條件唔符合大眾嘅普遍認知，佢喺一段好長時間入面都剩係夠膽喺網絡上唱歌，唔敢公開露面唱歌。喺2014年頭，有一位好聲音導演連續揾咗周深三個月，先終於說服佢參加好聲音^[21]。2014年7月周深參加浙江衛視《中國好聲音》第三季，盲選時憑住齊豫嘅《歡顏》被讚^[22]。周深加入咗那英組^[23]，同李維合唱嘅《貝加爾湖畔》攞到年度金曲^[24][25]。同年底到第二年年頭，佢參與咗北京工體、香港紅磡、上海大舞臺、深圳體育場、臺北小巨蛋等幾場好聲音巡迴演唱會。

周深嘅粉絲叫做“生米”，應援色係藍色，應援口號係“風雨同周深情不移”^[26]。

2016年成名作《大魚》

希望大家能夠感受到我是真的在好好唱歌，而不是在用獵奇的眼光在說，哦，你是在反串。

“

”

維基語錄收錄咗同呢篇文相關嘅摘錄：周深

2016年2月春節期間，周深再次參加「文化中國·四海同春」藝術團的慰僑活動， 喺美國同加拿大共六座城市巡演^[27]。2016年5月周深為動畫電影《大魚海棠》唱印象曲《大魚》^[28]，喺6月第16屆中國電影華表獎典禮時首次現場演唱^[29]。《大魚》做咗周深嘅成名作，幫佢攞咗八個獎，其中包括第17屆音樂風雲榜年度最佳電影歌曲獎^[30]、第24屆東方風雲榜十大金曲^[31]等。2016年9月周深參加喺法國波爾多搞嘅《情系金秋·2016法國中秋盛典暨浙江衛視國際頻道開播十周年慶典晚會》^[32]。2016年7月，周深參加《挑戰好聲音》，喺節目到佢同三位歌手接受嚟自全國各地素人選手嘅挑戰，用有限嘅時間改編演繹由挑戰者為佢地揀嘅歌曲^[33][34]。

2016年10月，周深參加江蘇衛視《蒙面唱將猜猜猜》第一季^[35]，隱藏外形，喺蒙面嘅情況下唱咗四隻歌，其中包括同側田合唱嘅《我真的受傷了》^[36]，揭面之後又喺年度盛典同李琦合唱一首《你要的愛》。喺蒙面熱度下，周深嘅全新單曲《妳》都喺10月25號發行^[37]，上線一日就上咗酷狗飆升榜第一、酷狗華語新歌榜第二嘅位置^[38]。

2017年七隻單曲同首張個人原唱專輯《深的深》

2017年周深一共出咗《不說話》、《曾經滄海》等七首錄音室單曲。2017年1月周深應加拿大中國學生學者聯合會嘅邀請，再去加拿大多倫多，參加喺索尼中心搞嘅雞年春晚^[39][40]。3月同4月分別攞到第24屆東方風雲榜全民選擇男歌手^[41]同第21屆全球華語榜中榜網絡票選人氣新聲稱號^[42]。2017年9月，周深作為幫唱嘉賓參加《中國新歌聲》，同郭沁合唱《大魚》，現場版嘅大魚驚艷所有嘅評委，幫郭沁攞到嗰季新歌聲那英組冠軍^[43]。

2017年11月周深出咗個人首張原唱國語專輯《深的深》^[44]，該專輯由音樂人高曉松個人出錢並做監製、尹約做製作人、並同作曲錢雷一齊創作^[45]，用咗三年先做完^[46]。呢個專輯又幫周深贏到三個獎，其中包括第25屆東方風雲榜年度飛躍歌手獎^[47]、全球華人歌曲排行榜2018華人歌曲音樂盛典年度最佳新人^[48]、主打歌《藍色降落傘》拎年度金曲^[49]。

2018年二十隻單曲同首次個人巡回演唱會

2018年初，祁辛請周深為奧斯卡最佳電影《水形物語》唱同名中文推廣曲《水形物語》，有日放假喺屋企睇電視，一個臺周深喺度唱大魚，換個臺周深仲唱緊大魚，睇完佢嘅演唱，覺得佢特別適合呢部電影^[50]。呢次合作令周深喺OST領域仲上咗一個臺階。2018年周深出咗成20首錄音室單曲，包括《夢留別》、《無關》等。2018年1月，周深因喺貴州貧困地區支教嘅經歷^[51]，喺輕鬆籌公益盛典拎年度公益星勢力獎^[52]。5月，周深出咗“深空間”巡迴演唱會嘅宣傳曲《花開》^[53]，之後喺2018年5月至2019年7月間分別喺上海、武漢、成都、北京、深圳、杭州共六個城市搞咗“深空間”個人巡回演唱會^[54]。《花開》呢首歌喺2019年3月攞到第26屆東方風雲榜十大金曲^[55]。

作為美聲專業畢業嘅流行歌手，佢一直嘗試將美聲唱法結合到流行音樂入面，喺《大魚》^[56]、《濃情淡如你》^[57]、《大魚》合唱版^[58]同《淺淺》^[59]入面都體現到。2018年11月3號，喺北京鳥巢國家體育場搞嘅“國風極樂夜”音樂盛典上，佢憑住《大魚》入面美聲唱法同流行唱法嘅完美融合，攞到“最佳國風新銳唱法”獎^[60]。2018年11月至2019年1月，周深參加咗湖南衛視美聲節目《聲入人心》^[61]同江蘇衛視音樂綜藝節目《蒙面唱將猜猜猜》第三季^[62][63]，用美聲同流行兩種風格相結合嘅方式去唱《Time To Say Goodbye》（義大利文）、《雪落下的聲音》等歌曲。單曲數量嗰爆發，同呢兩個節目美聲同流行唱法相結合嘅歷程，為佢喺2019年3月攞到第26屆東方風雲榜“年度最具突破藝人”稱號^[64]。

2018年9月，周深發佈佢自己作曲嘅首隻原創單曲《可它愛著這個世界》^[65]。喺2018年度流行音樂全金榜嘅音樂旅程入面，周深參加了幾場“音樂面對面”活動，喺全國各地嘅歌迷們面前現場唱咗《可它愛著這個世界》等好多嘅音樂作品^[66][67][68]。周深因此喺2019年5月攞到流行音樂全金榜頒發嘅“年度最佳舞臺演繹”同“內地電臺推崇歌手”兩項大獎^[69]。

2019年二巡，同首次咗導師

2019年周深出咗《願得一心人》、《直破穹蒼》等二十四首錄音室單曲，其中《胡同少年誌》等八首攞到全球中文音樂榜上榜周榜冠軍，《不再流浪》仲破咗榜上榜直播六年以嚟直播時段嘅得票記錄^[70][71][72]。喺QQ音樂“巔峰人氣公益季”活動入面，《隨風》等四首歌曲攞到人氣認證，參與童聲飛揚音樂教育公益項目^[73]。2019年周深攞到十五項大獎，其中《此生惟你》攞到音樂先鋒榜年度最具人氣歌曲獎，《蛻》攞到音樂先鋒榜年度最佳影視金曲^[74]，同唐漢霄合唱嘅《末日飛船》攞到亞洲新歌榜年度綜藝歌曲獎^[75]。

2019年4月至6月，周深作為導師參加愛奇藝播出嘅全球首檔華語流行音樂海外真人騷節目《唱給世界聽》，嗰個節目喺中國上海同澳洲悉尼錄，係佢首次以導師身份參加綜藝節目^[76][77]。6月，周深去星加坡參加“客逢獅城獻溫情新加坡慈善演唱會”，為自閉症患者送溫情^[78]。10月，周深登上了福布斯中國30歲以下精英榜入面嘅音樂行業榜單^[79]。11月，周深攞到MTV歐洲音樂大獎大中華區最受歡迎藝人（Best Greater China ACT）獎^[80]。2019年12月1號，周深參加喺三亞搞嘅第二屆海南島國際電影節開幕式，唱咗《大魚》^[81][82]。2019年12月31號，周深參加bilibili新年晚會（錄播）^[83]同東方衛視跨年盛典（直播），唱咗日文歌《永遠常在》、同李克勤合唱咗紅日》等幾隻歌^[84]。

2019年11月同12月，周深C-929星球全國巡回演唱會喺北京、南京、深圳、蘇州、成都同上海搞咗^[85][86]。

2020年1月，加盟湖南衛視《歌手·當打之年》、為首發歌手，喺4月24號未能晉級總決賽第二輪。

從2014年7月參加浙江衛視《中國好聲音 (第三季)》開始，周深參與過江蘇衛視《蒙面唱將猜猜猜 (第一季)》、CCTV《全球中文音樂榜上榜》、浙江衛視《中國新歌聲 (第二季)》、湖南衛視《聲入人心 (第一季)》、江蘇衛視《蒙面唱將猜猜猜 (第三季)》、東方衛視《我們的歌》、湖南衛視《歌手·當打之年》等重要音樂類綜藝，同埋北京衛視《了不起的長城》等文化類真人騷節目。

2020年

已播綜藝同歌曲

2010年代

綜藝節目

演唱歌曲

巡迴演唱會同海外活動

時間	內容	國家／地區同城市
2019年11月 - 2020年	周深“C-929星球”第二輪個人巡回演唱會[306]	中國：廣州（2020）
		中國：北京、南京、深圳、蘇州、成都、上海（2019）
2019年6月12日	“客逢獅城獻溫情”星加坡慈善演唱會[307]	星加坡
2019年5月18日	“深齡其境”周深黃齡演唱會[308]	中國：上海
2019年4月-6月	《唱給世界聽》節目錄制（擔任導師）及總決賽現場（擔任音樂推薦人和表演嘉賓）[309]	中國：上海
		澳洲：悉尼
2019年4月-5月	“聲入人心”同“不說再見”巡回演唱會[310][311]	中國：上海 （不說再見）
		中國：北京、天津、珠海、長沙
2019年3月28日	in-Music“深時深刻”音樂分享會[312]	中國：北京
2018年5月 - 2019年7月	周深“深空間”首輪個人巡回演唱會[313]	中國：北京、深圳、杭州 （2019）
		中國：上海、武漢、成都 （2018）
2018年7月18日	CCTV-4 中文國際頻道《中國文藝》[314]	中國：北京
2017年1月20日	加拿大中國學生學者聯誼會雞年春晚[315]	加拿大：多倫多
2016年12月31日	江蘇衛視跨年演唱會[316]	港澳臺地區： 澳門
2016年9月14日	情系金秋·2016法國中秋盛典暨浙江衛視國際頻道開播十周年慶典晚會[317]	法國：波爾多
2016年/2017年	“中國新歌聲”全國巡演[318][319][320][321]	中國大陸：深圳、北京、杭州、廣州、上海、晉江等地
		港澳臺地區：  香港、 臺灣：臺北、新北、苗栗、南投等地
2016年2月-3月	“文化中國·四海同春”北美洲巡演[322]	美國：紐約、休斯頓、舊金山、洛杉磯
		加拿大：溫哥華、多倫多
2015年5月	“中國好聲音(The Voice)”第四季歐洲招募站總決賽（擔任評委和表演嘉賓）[323]	英國：倫敦
2015年2月-3月	“文化中國·四海同春”大洋洲巡演[324]	澳洲：悉尼、墨爾本、珀斯、布裏斯班
		紐西蘭：奧克蘭
2014年/2015年	“中國好聲音(The Voice)”全國巡回演唱會[325][326]	中國大陸：北京、上海、深圳等地
		港澳臺地區：  香港、 澳門、 臺灣臺北等地

廣告代言

維基同享有多媒體嘅嘢：
周深

• 周深嘅新浪微博
• 周深超话 Wayback Machine嘅版面存檔備份
• 周深工作室嘅新浪微博
• bilibili上面嘅卡布叻_周深嘅頻道