Aksara Kannada

Aksara Kannada (IAST: Kannaḍa lipi) ya iku aksara abugida saka kulawarga Brahmi.^[2] Aksara iki adaté kanggo nulisaké basa Kannada, salah siji basa Dravida ing India Kidul, mligi ing praja Karnataka. Aksara Kannada uga sumrambah ing wewengkon Karnataka kanggo nulisaké basa Sansekerta. Sawenèh basa minoritas, kaya ta basa Tulu, basa Konkani, basa Kodava, basa Sanketi, lan basa Beary, uga ditulis nganggo aksara kang dhedhasar aksara Kannada.^[3] Aksara Kannada lan Telugu akèh memperé, mula asring diarani rong gagrag saka siji aksara. Kayadéné iku, Goykanadi, gagrag Kannada Kuna, ing kala kapungkur tau kanggo nulisaké basa Konkani ing praja Goa.^[4]

Kannada
Jinis	Abugida
Basa	Kannada Sansekerta Konkani Tulu Kodava Badaga Beary Sanketi
Kala	Abad angka 5 - saiki[1]
Aksara babon	Brahmi Kadamba Kannada
Aksara sadulur	Telugu Sinhala Mon
Arah nulis	Kiwa manengen
ISO 15924	Knda, 345
Jeneng Unicode	Kannada
Larik Unicode	U+0C80–U+0CFF
Artikel iki ngandhut lambang fonètis AFI. Tanpa piranti pamaca sing trep, kadeleng bisa mung tandha-pitakon, kothak-kothak, utawa lambang liyané, dudu pralambang Unicode.