Justinianus I

Justinianus I (Latin: Flavius Petrus Sabbatius Justinianus;Grikenlan: Φλάβιος Πέτρος Σαββάτιος Ἰουστινιανός; 483 –13 utawi 14 November 565), limrahipun dipunmangertosi kanthi asma Justinianus yang Agung, inggih punika Kaisar Romawi Wétan (Bizantium) ingkang nguwasani Bizantium saking taun 527 ngantos 565.^[1] Justianus I taksih keponakaanipun Justinus I, tiyang tani saking Thracian ingkang buta huruf, nanging saged minggah drajatipun amargi karier militèr ingkang saé saéngga saged dados panguwasa kamaharajan Romawi Wétan.^[1] Taun 527, Justin I ingkang boten patutan lajeng ngangkat Justianus minangka pembantu kaisar.^[1] Wonten ing pungasanipun taun 527, Justin I tilar donya lan Justianus I dipunangkat dados kaisar.^[1]

Justinianus I
Kaisar Romawi Timur (Bizantium)
Potret Justinianus ing Basilika San Vitale, Ravenna
Kaisar Bizantium
Panjenengan	1 Agustus 527 – 14 November 565 (&&&&&&&&&&&&&040.&&&&&040 taun, &&&&&&&&&&&&&097.&&&&&097 dina)
Leluhur	Justinus I
Panerus	Justinus II
Garini	Theodora
Jeneng dawa Flavius Petrus Sabbatius Justinianus
Wangsa	Justinianus
Bapa	Sabbatius
Ibu	Vigilantia

Wonten ing wekdal kekuwasaanipun, Justianus I tansah hambudidaya amrih kajayaanipun kamaharajan lan saged nelukaken malih sisih kilèn Kamaharajan Romawi.^[1] Panjenenganipun dados salah satunggalipun “tokoh wigati” wonten ing abad kuna.^[1] Nalika panjenenganipun wiwit dados panguwasa ing Bizantium, dipunwiwiti kanthi “renovation imperii” (restorasi kamaharajan) ingkang ambisius.^[1] Amargi raos ambisius punika, Justianus I misuwur kanthi sesebatan "Romawi Terakhir" wonten ing historiografi modhèren.^[2]

Ambisi punika dipunwujudaken kanthi pemulihan sepalih wewengkom Kamaharajan Romawi Kilen, kalebet kutha Roma.^[2] Sanèsipun punika, wonten ing wekdal kekuwasaanipun Justianus I, wonten panyeratan hokum Romawi Corpus Juris Civilis ingkang taksih dipun-ginakaken minangka lelandhesan tumrapipun masarakat ing nagari modhèren.^[2] Wonten ing wekdal kakuwasaanipun Justianus I, Bizantium saged dados nagara ingkang ngrembaka, lan program-programipun saged mlampah kanthi saé, kados yasa malih Hagia Sophia ingkang dados pusatipun Ortodoks Wétan.^[2]Justianus I dipunanggep minangka santo déning tiyang-tiyang ingkang agamanipun Ortodoks Wétan. Panjenenganipun ugi misuwur ing Gréja Lutheran.^[2]