La Défense

La Défense ya iku siji distrik bisnis gedhé ing kutha Paris (Basa Prancis: "Ville de Paris") lan kang gedhé dhéwé ana ing Éropah,^[1] mbatesi Neuilly-sur-Seine, pérangan kulon kutha.^[1] Distrik iki yaiki siji distrik bisnis utama ana ing Éropah.^[1] Papane ana ing dalan tol kang ngubengi commune Nanterre, Courbevoie lan Puteaux ing département Hauts-de-Seine.^[1] Distrik iki manggon ana ing Sumbu Bersejarah Paris paling kulon (sakiwa-tengené 10 km), kang ndhisike ana ing Louvre ing Pusat Kutha Paris lan nglintasi Champs-Élysées lan Arc de Triomphe.^[1]Ana ing Grande Arche dhuwure 100m lan esplanade ("le Parvis"), ana ing distrik iki ana yasan paling dhuwur ing area urban Paris: ambané ya iku 77.5 hèktar, 72 yasan saka kaca-lan-wesi kalebu ana ing kono ya iku yasan kang sakndhuwure 150 m, 150 000 pekerja padinan lan 3.5 yuta mèter pasagi perkantoran.^[1] La Défense ya iku distrik gedhé dhéwé ing eropah kang diyasa mirunggan kanggo kepantingan bisnis.^[1]La Défense dijenengi kanggo reca La Défense de Paris, kang digawé nalika taun 1883 kanggo mèngeti prajurit kang wis mempertahanke Paris ana ing Perang Franco-Prussia.^[2] Jeneng area iki kadang-kadang njalari kadadéan kekacauan ing antarané pengunjung, kang sok nganggep La Défense kaya jinis zona militèr.^[2]