Sajarah Amérika Sarékat
Amérika Sarékat mapan ing tengah-tengah bawana Amérika Lor, diwatesi karo Kanada ing pérangan lor lan Mèksiko ing pérangan kidul. Nagara Amérika Sarékat jembaré saka Samodra Atlantik ing pasisir étan tekan Samudera Pasifik ing pasisir kulon, kalebu kepulauan Hawaii ing lautan Pasifik, praja Alaska ing pucuk lor bawana Amèrika, lan sapropirané teritori liyané.
Sing dumunung kapisan ing wewengkon sing saiki dadi Amérika Sarékat asalé saka Asia kira-kira 15.000 taun kapungkur. Panjenengané nyeberangi kreteg darat Bering tumuju Alaska.[1] Salanjuté, penduduk asli Amérika mapan ing wewengkon mau sasuwené éwon taun. Ing taun 1492, Christopher Columbus wés hasil tekan Amérika. Wong-wong Inggris banjur mapan ing Jamestown, Virginia ing taun 1607. Pemukiman iku dianggep pemukiman sing kapisan ing Amérika Sarékat. Salanjuté, Amérika Sarékat terus ditekani déning wong-wong Inggris. Wong Prancis, Spanyol, lan Walanda uga mapan ing sapérangan Amérika Sarékat.[2] Perkembangane koloni-koloni Inggris rampung ora apik kanggo penduduk asli Amérika, amarga akèh saka kelompoké sing mati amarga lelara, lan panjenengané kélangan negeriné.
Amérika Sarékat kabéntuk saka 13 tilas koloni Inggris kauculan saka Revolusi Amérika sawisé deklarasi kamardikan ing tanggal 4 Juli 1776. Perang iki diwiwiti amarga kolonis rumangsa diperlakokaké ora adil déning Inggris.[3]
Sawisé Revolusi, Amérika Sarékat ngadepi akèh masalah, kaya ta batur tukon. Ing taun 1800-an, AS éntuk akèh wewengkon lan wiwit dadi industralisasi. Saka taun 1861 tekan 1865, Perang Sedulur Amérika pecah antarané Lor karo Kidul. Perang iki kadadéan amarga masalah hak-hak praja, batur tukon, lan mangsa ngarep Amérika Sarékat. Sapropirané praja ing kidul ninggal Amérika Sarékat lan ngadegaké Konfederasi.
Lor menangaké perang, lan nagara-nagara sing wés ninggal perserikatan bali ing Amérika Sarékat. Nagara iki banjur ngléwati mangsa rekonstruksi. Ing akir 1800-an, akèh wong Éropa teka ing Amérika Sarékat lan makarya ing pabrik gedhé. Ing awal abad angka 20, AS dadi kakuwatan donya. Ekonominé minangka salah sijining sing gedhé dhéwé ing donya. Nagara iki uga kalebu ing Perang Donya I lan II.
Sawisé Perang Donya II, Amérika Sarékat mèlu nyampur ing Perang Dingin karo Uni Soviet. Sasuwené Perang Dingin, pamarintah akèh ngentèkaké duit kanggo pertahanan. AS nyampur ing Perang Koréa lan Vietnam, lan uga ngirimaké Neil Armstrong lan wong-wong Amérika liya ana ing njaba akasa. Ing taun 1991, Uni Soviet kalah lan perang dingin rampung. Timur Tengah dadi wigati kanggo Amérika, apa manèh sawisé Serangan 11 September 2001. Saiki, Amérika Sarékat minangka nagara adidaya, nanging isih ngadépi pirang-pirang masalah masalah.