აბრუცო

აბრუცო (იტალ. Abruzzo), აბრუცი (იტალ. Abruzzi) — რეგიონი იტალიაში, მთიანი რაიონი ქვეყნის ცენტრალური ნაწილის სამხრეთში. მისი დასავლეთი საზღვარი რომიდან 80 კმ-ში მდებარეობს. ჩრდილოეთიდან ესაზღვრება მარკეს რეგიონი, დასავლეთით და სამხრეთ-დასავლეთით — ლაციოს რეგიონი, სამხრეთ აღმოსავლეთით — მოლიზე და აღმოსავლეთით — ადრიატიკის ზღვა. მიუხედავად იმისა, რომ ის გეოგრაფიულად უფრო იტალიის ცენტრალურ რეგიონში მდებარეობს ვიდრე სამხრეთში, იტალიის სტატისტიკის სამსახურის მიერ იგი მაინც სამხრეთულ რეგიონად მიიჩნევა, ორი სიცილიის სამეფოსთან მისი ისტორიული კავშირის ნიშნად.

ადმინისტრაციული ერთეული
აბრუცო იტალ. Abruzzo
დროშა გერბი
ქვეყანა	იტალია
ადმ. ცენტრი	ლ’აკვილა
შიდა დაყოფა	ლ’აკვილის პროვინცია, კიეტის პროვინცია, პესკარის პროვინცია და ტერამოს პროვინცია
კოორდინატები	42°13′00″ ჩ. გ. 13°50′00″ ა. გ. / 42.21667° ჩ. გ. 13.83333° ა. გ. / 42.21667; 13.83333
მმართველი	Marco Marsilio
ფართობი	10831.84 კმ²
მოსახლეობა	1 308 451 (2019)[1]
სასაათო სარტყელი	UTC+1 და UTC+2
ოფიციალური საიტი	http://www.regione.abruzzo.it/
აბრუცო ვიკისაწყობში

ანტიკურ ხანაში რეგიონი დასახლებული იყო იტალიკური ტომებით, რომლებიც ხანგრძლივად უწევდნენ წინააღმდეგობას რომაელ დაპყრობლებს. XII საუკუნეში აქ ნორმანები დამკვიდრდნენ. მოგვიანებით, აბრუცო ჰოენშტაუფენების დინასტიას ემხრობოდა პაპობის წინააღმდეგ ბრძოლაში. 1860-1861 წლებში რეგიონი იტალიის სამეფოს ნაწილი გახდა აბრუცისა და მოლიზეს სახელით. 1965 წელს აღნიშნული რეგიონი გაიყო. აბრუცოს ეკონომიკის საფუძველი სოფლის მეურნეობაა.

• ფართობი – 10 763 კმ²
• მოსახლეობა – 1 342 975 (2011 წ)
• ადმინისტრაციული დაყოფა — პროვინციები: ლ'აკვილა, კიეტი, პესკარა და ტერამო.
• ქალაქები (ათ.) — ლ’აკვილა (70), პესკარა (115), კიეტი (59), ტერამო (53).