ანტიგონიდების დინასტია

ანტიგონიდების დინასტია (ბერძ. Ἀντιγονίδαι) — ელინისტური ხანის მაკედონიის სამეფო დინასტია. მეფობდა ძვ. წ. 306 -168 წწ. დინასტიის დამაარსებელია ალექსანდრე მაკედონელის მხედართმთავარი ანტიგონე მონოფთალმოსი (ცალთვალა).

ისტორია

ანტიგონე მონოფთალმოსი ძვ. წ. 301 წელს დაიღუპა იაფსოს ბრძოლაში. მისი ვაჟი დემეტრიოსი ძვ. წ. 286 წელს ტყვედ ჩაუვარდა სელევკე I ნიკატორს. იგი ძვ. წ. 283 წელს გარდაიცვალა. იმავე 283 წელს, დინასტია ხელახლა აღადგინა და გააერთიანა ანტიგონე II მონატმა, რომელიც მეფობდა ძვ. წ. 283-240/239 წწ.

ანტიგონიდების დინასტია ცდილობდა ელინისტური საბერძნეთის დაპყრობას. ამის გამო, ძვ. წ. III საუკუნიდან მას ბრძოლა ჰქონდა ძველი რომის სახელმწიფოსთან.

დინასტიის უკანასკნელი წარმომადგენელი იყო პერსევსი (ძვ. წ. 178-168 წწ.), რომელიც ტყვედ ჩაიგდეს რომაელებმა. დინასტიამ არსებობა შეწყვიტა, რადგან მაკედონია, რომის პროვინციად გამოცხადდა.

მონეტები

ანტიგონიდების მონეტები

ანტიგონე I-ის მონეტა ("ცალთვალა") (ძვ. წ. 382 - ძვ. წ. 301).
დემეტრიოს I-ის მონეტა ("მოალყე"), (ძვ. წ. 337 – ძვ. წ. 283), ანტიგონე I-ის ვაჟი.
ანტიგონე II მონატის მონეტა.

ლიტერატურა

ს. თეზელიშვილი. მსოფლიოს სამეფო დინასტიები. გამომცემლობა "საქართველოს მაცნე". თბ. 1998 წ.