დალიდა

დალიდა (ფრანგ. Dalida; არაბ. داليدا‎‎; 17 იანვარი 1933 — 3 მაისი 1987) დაიბადა იტალიური სახელით იოლანდა კრისტინა ჯილიოტი — ეგვიპტეში დაბადებული იტალიური წარმოშობის და ფრანგად ნატურალიზებული მომღერალი. ცხოვრების ადრეული წლები ეგვიპტეში გაატარა, იტალიელთა უბანში, მაგრამ მოზარდობის ასაკში ცხოვრების უმეტესი ნაწილი საფრანგეთში გაატარა.^[2][3] გამოშვებული აქვს 55 ოქროს ჩანაწერი და ის პირველი მომღერალი იყო, რომელმაც ბრილიანტის დისკი ჩაწერა.^[4][5] დალიდა ასრულებდა და უშვებდა ალბომებს ათზე მეტ ენაზე, მათ შორის ფრანგულად, არაბულად, იტალიურად, ბერძნულად, გერმანულად, ინგლისურად, იაპონურად, ებრაულად, გერმანულად და ესპანურად.

დალიდა
დალიდა 1954 წელს
ბიოგრაფია
ნამდვილი სახელი	იოლანდა კრისტინა ჯილიოტი
დაბ. თარიღი	17 იანვარი, 1933 კაირო, ეგვიპტე.
დაბ. ადგილი	კაირო, Kingdom of Egypt[1]
გარდ. თარიღი	3 მაისი, 1987 პარიზი, საფრანგეთი
გარდ. ადგილი	პარიზის XVIII რაიონი, საფრანგეთი[1]
დასაფლავებულია	მონმარტრის სასაფლაო
ჟანრ(ებ)ი	შანსონი, კლასიკა, ევროდისკო, პოპი, პოპულარული მუსიკა, ფრანკო-არაბული, რაი, მსოფლიო მუსიკა, იე-იე,
საქმიანობა	მომღერალი, მსახიობი
აქტიური	1956-1987
ხელმოწერა
საიტი	ოფიციალური საიტი
დალიდა ვიკისაწყობში

ცნობილი გახდა ფრანგული და მსოფლიო მუსიკისთვის შესრულებული ძლიერი და მკაფიო შესრულებით. დალიდა თაყვანისმცემლებს დღემდე ახსოვთ მთელი მსოფლიოს მასშტაბით. 30 წლიანმა კარიერამ (მისი დებიუტი 1956 წელს შედგა, უკანასკნელი ალბომი კი 1986 წელს, გარდაცვალებამდე ცოტა ხნით ადრე ჩაწერა) და შემდეგ სიკვდილმა სახელგანთქმული მომღერლისა და ტრაგიკული დივას ხატი შექმნა.

1987 წლის 3 მაისს, დალიდა ბარბიტურატების (ნარკოტიკი) გადაჭარბებული დოზის შედეგად გარდაიცვალა. თვითმკვლელობის წინ დაწერილ წერილში ის წერდა: „La vie m'est insupportable... Pardonnez-moi“ — „ცხოვრება ჩემთვის აუტანელია... მაპატიეთ“.^[6][7]

დაკრძალულია პარიზში, მონმარტრის სასაფლაოზე. მის საფლავზე აღმართულია დალიდას რეალური ზომების ქანდაკება.^[8][9]