ევარისტე ნდაიშიმიე
ევარისტე ნდაიშიმიე (ფრანგ. Évariste Ndayishimiye; დ. 1968, გიტეგის პროვინცია, ბურუნდი) — ბურუნდელი პოლიტიკოსი და სამხედრო მოღვაწე. მმართველი პარტიის, დემოკრატიის დაცვის ეროვნული საბჭო — ძალები დემოკრატიის დასაცავად ლიდერი. გაიმარჯვა 2020 წლის საპრეზიდენტო არჩევნებში. თანამდებობას დაიკავა 2020 წლის 18 ივნისს.
| ევარისტე ნდაიშიმიე | |
.jpg) | |
| ბურუნდის პრეზიდენტი | |
|---|---|
| ამჟამინდელი თანამდებობა | |
| დაიკავა | 18 ივნისი, 2020 |
| წინამორბედი | პიერ ნკურუნზიზა |
პარტიის დემოკრატიის დაცვის ეროვნული საბჭო — ძალები დემოკრატიის დასაცავად პრეზიდენტი | |
| წინამორბედი | პასკალ ნიაბენდა |
| მემკვიდრე | დღემდე |
ბურუნდის ეროვნული ოლიმპიური კომიტეტის პრეზიდენტი | |
| თანამდებობაზე ყოფნის დრო | |
| 2009 – დღემდე | |
| დაბადებული | 1968 გიტეგის პროვინცია, ბურუნდი |
| საქმიანობა | პოლიტიკოსი |
ბიოგრაფია
ევარისტე ნდაიშიმიე დაიბადა 1968 წელს ქვეყნის ცენტრალურ ნაწილში მდებარე გიტეგის პროვინციაში[1]. ეკუთვნის ჰუტუს ეთნიკურ ჯგუფს. 1995 წელს ბურუნდის უნივერსიტეტის სტუდენტია და გადაურჩა ტუტსი სტუდენტების მიერ მოწყობილ ეთნიკურ წმენდას[1][2]. იგი ქვეყნიდან გაიქცა და იყო ერთ-ერთი პირველი, რომელიც შეუერთდა შეიარაღებულ ოპოზიციურ თავდაცვის ძალებს, რომელიც შეიქმნა პრეზიდენტ მელშიორ ნდადაიეს მკვლელობის შემდეგ.
2000 წელს გაფორმებული არუშის ხელშეკრულების მიხედვით თანდათანობით სრულდება ბურუნდის სამოქალაქო ომი, შეიარაღებული ოპოზიციური თავდაცვის ძალები ხელს აწერს ხელშეკრულებას და თანახმაა 2002 წლის ბოლოდან უარი თქვას შეიარაღებულ ბრძოლაზე. 2005 წელს ევარისტე ნდაიშიმიე დაინიშნა ახალი ეროვნული თავდაცვის ძალების შტაბის უფროსის მოადგილედ, გენერლის წოდებით[1][2]. 2006-2007 წლებში იყო შინაგან საქმეთა და საზოგადოებრივი უსაფრთხოების მინისტრი.
2020 წლის 26 იანვარს გიტეგის პროვინციაში გამართულ კონგრესზე დაასახელეს პრეზიდენტობის კანდიდატად 2020 წლის 20 მაისის არჩევნებში[3][4].