ემი უაინჰაუსი
ემი ჯეიდ უაინჰაუსი (ინგლ. Amy Jade Winehouse; დ. 14 სექტემბერი, 1983 — გ. 23 ივლისი, 2011) — ბრიტანელი სოულ, ჯაზ და რიტმ-ენდ-ბლუზ მომღერალი და სიმღერების ტექსტების ავტორი. მისი 2003 წლის სადებიუტო ალბომი — Frank მერკურის ჯილდოზე იყო ნომინირებული. 2007 წლის 14 თებერვალს მან მიიღო ჯილდო „Brit Award“ საუკეთესო ბრიტანელი შემსრულებელი ქალბატონის ნომინაციაში, ისევე როგორც სამჯერ - აივორ ნოველოს ჯილდო. გამოსცა ორი სტუდიური ალბომი. გარდაიცვალა 2011 წლის 23 ივლისს.[1]
ემი უაინჰაუსი | |
---|---|
ბიოგრაფია | |
ნამდვილი სახელი | ემი ჯეიდ უაინჰაუსი |
დაბ. თარიღი | 14 სექტემბერი 1983 |
დაბ. ადგილი | ლონდონი, ინგლისი |
გარდ. თარიღი | 23 ივლისი, 2011 (27 წლის) |
გარდ. ადგილი | კემდენი, ლონდონი, ინგლისი |
დასაფლავებულია | Edgware |
ჟანრ(ებ)ი | ნეო სოული, რითმ-ენდ-ბლუზი |
საქმიანობა | მომღერალი, სიმღერების ავტორი |
ინსტრუმენტ(ებ)ი | ვოკალი, გიტარა |
აქტიური | 2003–2011 |
ლეიბლ(ებ)ი | Island, Lioness, Universal Republic (აშშ) |
საიტი | |
ემი უაინჰაუსი ვიკისაწყობში |
ადრეული წლები
ემი დაიბადა საუთგეიტის (ლონდონი) რაიონში, ბრიტანელი ებრაელების ოჯახში, დედის მხრიდან რუსული ფესვებით[2][3]. სწორედ მისი გავლენით ემი დაინტერესდა ჯაზით.[4] მამამისი, მიტჩელ (მიტჩ) უაინჰაუსი, ტაქსის მძღოლი იყო. დედა, ჯენის უაინჰაუს სიტონი ფარმაკოლოგიით იყო დაკავებული. ბებია, როგორც ცნობილია, დიდი ხნის წინ რონი სკოტის შეყვარებული იყო.[5] ემის ძმა, ალექსი, მასზე ოთხი წლით უფროსია.[6] მიტჩი ემის ხშირად უმღეროდა ფრენკ სინატრას სიმღერებს. ემი იმდენად მიეჩვია სიმღერას, რომ ყოველთვის ღიღინებდა და კლასში მისი გაჩუმება რთული იყო.[7] გოგონას მშობლები დაშორდნენ, როდესაც შვილი 9 წლის იყო.[8]
ამავე პერიოდში ბებიის, სინთიას შემოთავაზებით, დედამ ემი მიიყვანა სიუზი ერნშოუს თეატრალურ სკოლაში.[9] 10 წლის ასაკში ემიმ ბავშვობის მეგობარ ჯულიეტ ეშბისთან ერთად დააარსა რეპ-ჯგუფი Sweet 'n' Sour.[10] ერნშოუს სკოლაში ის 4 წლის განმავლობაში სწავლობდა, შემდგომ კი გადავიდა სილვია იანგის თეატრალურ სკოლაში, საიდანაც გარიცხული იყო 14 წლის ასაკში - თითქოს და დაუსწრებლობისა და ცხვირის პირსინგის გამო. თუმცა, სილვია იანგი ამ ინფორმაციას უარყოფა - „15 წლის ასაკში იგი სკოლებს იცვლიდა - გავიგე, რომ გარიცხეს, მაგრამ სინამდვილეში ეს ასე არ იყო. მე მას არასოდეს გავრიცხავდი.“[11] სილვია იანგის სკოლის სხვა მოზარდებთან ერთად იგი გამოჩნდა გადაცემის The Fast Show 1997 წლის ერთ-ერთ ეპიზოდში.[12] პარალელურად ის სხვადასხვა სასწავლო დაწესებულებას იცვლიდა.[13][14][15][16]
დისკოგრაფია
- 2003: Frank
- 2006: Back to Black