ვაშინგტონის მონუმენტი
ვაშინგტონის მონუმენტი ინგლ. Washington Monument) — აშშ-ის პირველი პრეზიდენტის, ჯორჯ ვაშინგტონისადმი მიძღვნილი მსოფლიოში ყველაზე მაღალი ობელისკი,[1] რომლის სიმაღლე 169 მეტრია და ნაშენებია მარმარილოსა და გრანიტისგან. მდებარეობს აშშ-ის დედაქალაქ ვაშინგტონში.
ვაშინგტონის მონუმენტი Washington Monument | |
---|---|
მდებარეობა | ეროვნული ხეივანი, ვაშინგტონი |
სიმაღლე | 169,046 მ |
დაწყების თარიღი | 6 დეკემბერი, 1844 |
დასრულების თარიღი | 21 თებერვალი, 1885 |
მიძღვნილია | ჯორჯ ვაშინგტონი |
მშენებლობა დაიწყო 1848 წელს. 1854-1877 წლებში სამშენებლო სამუშაოები შეწყვეტილი იყო სახსრების უქონლობის გამო. მონუმენტზე მუშაობა დასრულდა 1884 წელს, ხოლო ოფიციალურად გაიხსნა 1888 წლის 21 თებერვალს[2] და იმ დროში იქცა მსოფლიოს ყველაზე მაღალ ნაგებობად, რომელმაც სიმაღლეში გაუსწრო კელნის საკათედრო ტაძარს. მაგრამ ეს ტიტული ჩამოერთვა 1899 წელს, მას შემდეგ რაც აშენდა ეიფელის კოშკი პარიზში, საფრანგეთში.
მონუმენტი 2011 წლის ვირჯიინიის მიწისძვრის[3] და ქარიშხალი აირინის გამოჩენის დროს დაზიანდა. შედეგად დაიწყო მონუმენტის სარეაბილიტაციო სამუშაოები და დაიხურა პუბლიკისთვის.[4] 32 თვიანი სამუშაოების შემდეგ, 2014 წლის 12 მაისს მონუმენტი მნახველთათვის კვლავ ხელმისაწვდომი შეიქმნა.[5][6][7]
2016 წლის სექტემბერში მონუმენტი ისევ დაიხურა ლიფტის სისტემის გასაახლებლად.[8] 2016 წლის 2 დეკემბერს, აშშ-ის ნაციონალური პარკების სამსახურის განცხადებით, მონუმენტი 2019 წლამდე დახურული იქნება. სამუშაოების ღირებულება შეადგენს 2-დან 3 მილიონამდე აშშ დოლარს.
რესურსები ინტერნეტში
- შეგიძლიათ იხილოთ მედიაფაილები თემაზე „ვაშინგტონის მონუმენტი“ ვიკისაწყობში.
- ოფიციალური საიტი
- ვაშინგტონის მონუმენტი