ვიდეო თამაშების კონსოლი

ვიდეო თამაშების კონსოლი, სათამაშო კონსოლი — ელექტრონული, ციფრული ან კომპიუტერული მოწყობილობა, რომელსაც ეკრანზე გამოაქვს ვიდეო სიგნალი ან ვიზუალური გამოსახულება და განკუთვნილი არის ვიდეო თამაშების სათამაშოდ. სახლის სათამაშო კონსოლები გამოიყენებენ ტელევიზორს, პროექტროს და კომპიუტერულ მონიტორს გამოსახულების მისაღებად.

არსებობს სხვადასხვა სახის ვიდეო თამაშების კონსოლები, მათ შორის: სახლის ვიდეო თმაშების კონსოლები, პორტატიული ვიდეო თამაშების კონსოლები, მიკროკონსოლები და გამოყოფილი კონსოლები

თავდაპირველად სათამაშო კონსოლები პერსონალური კომპიუტერებისგან განსხვავდებოდნენ რიგი მნიშვნელოვანი ნიშანთვისებებით — ისინი ითვალისწინებდნენ მხოლოდ ტელევიზორის გამოყენებას და არ გააჩნდათ სტანდარტული პერიფერიული მოწყობილობების მხარდაჭერა, მაგალითად, როგორებიცაა კლავიატურა და მოდემი.

სათამაშო კონსოლები განვითარდა შედარებით მარტივი ელექტრონული სატელევიზიო სათამაშო სისტემებისგან, მაგალითისთვის, როგორიც არის Pong და ჩვენს დროში იქცა მძლავრ მრავალფუნქციურ სათამაშო სისტემებად, რომლებსაც დაემატა სხვადასხვა ფუნქციები და მოწყობილობები, მათ შორის CD-პლეიერი, DVD-პლეიერი, Blu-ray, ვებ-ბრაუზერი და სხვა.