კრისტოფ მეცელდერი

კრისტოფ მეცელდერი (გერმ. Christoph Metzelder; დ. 1980 წლის 5 ნოემბერი) — ყოფილი გერმანელი ფეხბურთელი.

Christoph Metzelder

მეცელდერი 2010 წელს.
პირადი მონაცემები
სრული სახელი	Christoph Tobias Metzelder
დაბადების თარიღი	5 ნოემბერი, 1980 (1980-11-05) (43 წლის)
დაბადების ადგილი	ჰალტერნი, დასავლეთ გერმანია
სიმაღლე	194 სმ
სათამაშო პოზიცია	ცენტრალური მცველი
ახალგაზრდული კარიერა
1986–1995	TuS Haltern
1995–1996	შალკე 04
1996–1998	პროისენ მიუნსტერი
პროფესიონალური კარიერა*
წლები	გუნდი	მატჩი	(გოლი)
1999–2000	პროისენ მიუნსტერი	32	(4)
2000–2007	ბორუსია დორტმუნდი	126	(2)
2007–2010	რეალ მადრიდი	23	(0)
2010–2013	შალკე 04	52	(2)
სულ		233	(8)
ეროვნული ნაკრები
2000–2001	გერმანია U21	9	(1)
2001–2008	გერმანია	47	(0)
* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება

მეცელდერმა კარიერა საფეხბურთო კლუბ „მიუნსტერში“ დაიწყო, საიდანაც 2000 წლის ზაფხულში „დორტმუნდის ბორუსიაში“ გადაბარგდა. 2002 წელი კრისტოფისთვის ძალიან წარმატებული გამოდგა. მან გუნდთან ერთად მოიგო ბუნდესლიგა. გარდა ამისა, ეროვნულ გუნდთან ერთად მსოფლიო ჩემპიონატის ფინალშიც იასპარეზა. მეცელდერი ტურინის საუკეთესო ახალგაზრდა ფეხბურთელადაც დაასახელეს.

თავისი სიმაღლიდან გამომდინარე(193 სმ), მეცელდერი ძლიერად ასპარეზობს მეორე სართულზე. მისი თამაშით მოხიბლული თვით ალექს ფერგიუსონიც დარჩა, რომელიც კრისტოფს გარი ნევილის საუკეთესო შემცვლელად მოიაზრებდა.

2007 წლის 18 აპრილს, მეცელდერმა „მადრიდის რეალთან“ გააფორმა წინასწარი ხელშეკრულება, რომლის მიხედვითაც, 2006-07 წ.წ სეზონის დასრულებისთანავე, ის სამეფო კლუბს შეუერთდებოდა.

კრისტოფის უმცროსი ძმა, მალტე, ასევე ფეხბურთელია, რომელიც მეორე ბუნდესლიგაში მოასპარეზე საფეხბურთო გუნდ „ინგოლშტადტის“ ღირსებას იცავს.

2008 წლის თებერვალში ცნობილი გახდა, რომ მეცელდერს ტრავმის გამო 2 თვის გამოტოვება მოუხდებოდა. შედეგად, მან ვერ იასპარეზა ჩემპიონთა ლიგის 1/8-ფინალურ მატჩებში „რომას“ წინააღმდეგ. იმავე წლის 11 მაისს კრისტოფმა ფორმა აღიდგინა და სრულად ითამაშა კიდეც „სარაგოსას“ წინააღმდეგ.

ტრავმის აღდგენის შემდეგ, მეცელდერმა ყველა მატჩი ჩაატარა გერმანიის ნაკრების რიგებში ევრო 2008-ზე, სადაც მისი ნაკრები ფინალში ესპანეთის ნაკრებთან დამარცხდა.