მამუკა მამულაშვილი
მამუკა (უშანგი) მამულაშვილი (დ. 22 აპრილი, 1978, თბილისი) — ქართველი სამხედრო, მოხალისე, უკრაინაში ქართული ლეგიონის მეთაური.[1] ნონა მამულაშვილის ძმა.[2]
მამუკა მამულაშვილი | |
---|---|
ეროვნება | ქართველი |
დაბადების თარიღი | 22 აპრილი, 1978 |
დაბადების ადგილი | თბილისი, საქართველოს სსრ, სსრკ |
კუთვნილება | საქართველოს სახმელეთო ჯარები (1993) (2008) უკრაინის სახმელეთო ჯარები (2016-დღემდე) |
სამხედრო სამსახურის წლები | საქართველო (1993) ჩეჩნეთის რესპუბლიკა იჩქერია (1994-1996) საქართველო (2008) უკრაინა (2014-დღემდე) |
წოდება | ვიცე-პოლკოვნიკი |
მეთაურობდა | ქართული ლეგიონი (უკრაინა) |
ბრძოლები/ომები | აფხაზეთის ომი |
ჯილდოები |
|
ცხოვრება
დაბადება
მამუკა მამულაშვილი დაიბადა 22 აპრილს, 1978 წელს თბილისში.[1] მისი მამა იყო ქართველი სამხედრო ოფიცერი ზურაბ მამულაშვილი.[3]
აფხაზეთის ომი
მამულაშვილი საქართველოსთვის იბრძოდა აფხაზეთის ომში (1992-1993) 14 წლის ასაკში მამამისთან ერთად, რომელიც ქართველი სამხედრო ოფიცერი იყო.[4] მამულაშვილი მოგვიანებით იხსენებს: „ჩემი პირველი ომი იყო 1990-იან წლებში, აფხაზეთში“.[1] ომის დროს ტყვედ ჩაუვარდა აფხაზურ ძალებს, გაათავისუფლეს სამი თვის შემდეგ.[4]
ჩეჩნეთის პირველი ომი
მამულაშვილი ჩეჩნეთის პირველ ომში (1994-1996) რუსეთის ძალების წინააღმდეგ უცხოელ მოხალისედ იბრძოდა.[5]
საქართველოში დაბრუნება
ჩეჩნეთის პირველი ომის შემდეგ მამულაშვილი სწავლის დასამთავრებლად პარიზში გაემგზავრა.[5] შემდეგ ის საქართველოში დაბრუნდა და მსახურობდა საქართველოს პრეზიდენტ მიხეილ სააკაშვილის უფროს სამხედრო მრჩევლად.[5]
მამულაშვილი საქართველოსთვის იბრძოდა 2008 წლის რუსეთ-საქართველოს ომში.[5]
უკრაინა
მამულაშვილი უკრაინაში 2013 წელს გადავიდა მაიდანის რევოლუციის მხარდასაჭერად.[6]
ქართული ლეგიონი
2014 წელს მამულაშვილი ქართული ლეგიონის ერთ-ერთი დამფუძნებელი წევრი იყო.[5]