ოქროს ლომი
ოქროს ლომი (იტალ. Leone d'Oro) — ვენეციის კინოფესტივალის ბიენალეს უმაღლესი პრემია. დაწესდა 1949 წელს საორგანიზაციო კომიტეტის მიერ და ამჟამად კინოინდუსტრიაში ყველაზე პრესტიჟულ პრემიად ითვლება. 1970 წელს, შემოიღეს მეორე ოქროს ლომი, ეს საპატიო ჯილდოა მათთვის, ვინც მნიშვნელოვანი წვლილი შეიტანა კინემატოგრაფიაში.
| ოქროს ლომი | |
| წარადგენს | ვენეციის კინოფესტივალი |
| ქვეყანა |  იტალია |
| ადგილმდებარეობა | ვენეცია |
| პირველად გადაეცა | 1949 წელს |
პრემია პირველად 1949 წელს „წმინდა მარკოზის ოქროს ლომის“ სახით დაწესდა. მანამდე ამ პრემიის ეკვივალენტი იყო „გრან პრემიო ინტერნაციონალე დი ვენეცია“ (ვენეციის საერთაშორისო გრან-პრი), რომელიც 1947-1948 წლებში გაიცა. უფრო ადრე, 1934-1942 წლებში საუკეთესო იტალიური და საუკეთესო უცხოური ფილმისთვის „კოპა მუსოლინი“ (მუსოლინის თასი) გაიცემოდა.
1969-1979 წლებში ოქროს ლომი არ გაცემულა. ბიენალეს ოფიციალური საიტის თანახმად, ეს იყო 1968 წელს ამ ჯილდოს რადიკალურად ექსპერიმენტული ფილმისთვის „Die Artisten in der Zirkuskuppel: Ratlos“ გაცემის შედეგი, რასაც დიდი სკანდალი მოჰყვა პრესაში და კინოკრიტიკოსთა წრეებში.
ლაურეატები
- 1951 – რასიომონი
- 1962 – ივანეს ბავშვობა
- 1964 – წითელი უდაბნო
- 1965 - დიდი დათვის ნისლიანი თანავარსკვლავედი
- 1967 – შუადღის ლამაზმანი
- 1980 – ატლანტიკ სიტი
- 1987 – ნახვამდის, ბავშვებო
- 1993 – სამი ფერი: ლურჯი
- 1993 – ხანმოკლე მონტაჟი
- 2004 - ვერა დრეიკი
- 2005 – კუზიანი მთა
- 2007 – ვნება, სიფრთხილე
- 2010 – სადღაც
- 2012 – პიეტა
- 2014 - მტრედი იჯდა ტოტზე, ფიქრობდა ცხოვრებაზე