შონ მენდესი
შონ პიტერ რაულ მენდესი (/ˈmɛndɛz/; დ. 8 აგვისტო, 1998) — კანადელი მომღერალი, სიმღერების ავტორი და მოდელი. მიღებული აქვს უამრავი ჯილდო, მათ შორის ამერიკული მუსიკისა და MTV ევროპის მუსიკალური ჯილდოები, აგრეთვე გრემის 3 ნომინაცია. 2018 წელს ჟურნალმა „ტაიმმა მენდესი 100 ყველაზე გავლენიან ადამიანთა შორის დაასახელა.
| შონ მენდესი | |
|---|---|
 მენდესი 2019 წლის ნოემბრის ამერიკული მუსიკის დაჯილდოებაზე | |
| ბიოგრაფია | |
| ნამდვილი სახელი | შონ პიტერ რაულ მენდესი |
| დაბ. თარიღი | 8 აგვისტო, 1998 |
| დაბ. ადგილი | ტორონტო, ონტარიო |
| წარმოშობა | პიკერინგი, ონტარიო |
| ჟანრ(ებ)ი | |
| საქმიანობა |
|
| ინსტრუმენტ(ებ)ი |
|
| აქტიური | 2013–დღემდე |
| ლეიბლ(ებ)ი | |
| საიტი | shawnmendesofficial.com |
| შონ მენდესი ვიკისაწყობში | |
ბიოგრაფია
დაიბადა ტორონტოში, ონტარიოში 1998 წლის 8 აგვისტოს. მამამისი — მანუელ მენდესი პორტუგალიელია, ხოლო დედამისი — კარენ რეიმენტი ინგლისელი. მას ასევე ჰყავს უმცროსი და ალია.
მენდესმა გიტარაზე დაკვრა ისწავლა 14 წლის ასაკში იუთუბით. ერთ წელზე ნაკლებ დროში მან დაიწყო ქავერ-ვიდეოების გამოქვეყნება პოპულარული სოციალური ვიდეო გაზიარების აპლიკაცია Vine-ის მეშვეოიბით 2013 წელს. რამდენიმე თვეში მას უკვე ჰყავდა უამრავი გულშემატკივარი. 2014 წლის აგვისტოში ის იყო მესამე ყველაზე პოპულარულ მუსიკოსთა შორის Vine-ზე. მენდესმა 2014 წლის მაისში ოფიციალურად გააფორმა ხელშეკრულება Island Records-თან, ხოლო პირველი სინგლი „Life of the Party“ 26 ივნისს გამოუშვა. ის გახდა ყველაზე ახალგაზრდა შემსრულებელი, რომლის სადებიუტო სინგლი აშშ-ს ბილბორდის ცხელ ასეულში ტოპ ოცდახუთეულში მოხვდა. მენდესმა მონაწილება მიიღო „Magcon Tour“-ში, სხვა პოპულარ ვაინერებთან ერთად. იგი ასევე მონაწილეობდა ოსტინ მაჰოუნთან ერთად ტურნეში ქვეყნის მასშტაბით. ივლისშივე მან გამოუშვა სადებიუტო EP, რომელიც ბილბორდ 200-ში მეხუთე ადგილზე გავიდა, პირველივე კვირაში გაიყიდა 48,000 ეგზემპლარი.
2015 წლის 14 აპრილს მენდესმა გამოუშვა სადებიუტო ალბომი Handwritten, რომელიც ბილბორდ 200-ის ჩარტში პირველ ადგილზე გავიდა. პირველ კვირაში ალბომის 119,000 ეგზემპლარი გაიყიდა და სერტიფიცირებული იქნა პლატინად RIIA-ს მიერ. ალბომის მესამე სინგლმა „Stitches“ აშშ-ს ბილბორდის ცხელ ასეულში მეოთხე ადგილი დაიკავა. „Stitches“ გახდა მენდესის პირველი სინგლი, რომელიც აშშ-ის ტოპ ათეულში შევიდა. სიმღერამ პირველ ადგილს მიაღწია გაერთიანებულ სამეფოში. მან ჩაწერა სიმღერა სახელად „Believe“, Disney Channel-ის ფილმისთვის „შთამომავლები“ (2015). ასევე 2015 წელს მენდესი ტეილორ სვიფტთან ერთად მონაწილეობდა ტურნეში „1989 World Tour“. 2015 წლის ბოლოს მან და კამილ კაბელომ გამოუშვეს ერთობლივი სინგლი „I Know What You Did Last Summer“. 2016 წლის იანვარში ეპიზოდური როლი ითამაშა ტელესერიალში „100“.
2016 წლის ივნისში მენდესმა გამოაქვეყნა სინგლი „Treat You Better“, მეორე სტუდიური ალბომიდან Illuminate“. სინგლი შევიდა ბილბორდის ცხელი ასეულის ტოპ ათეულში, ხოლო ალბომმა პირველი ადგილი დაიკავა ბილბორდ 200-ში. 18 აგვისტოს მან გამოუშვა მეორე სინგლი, „Mercy“, ხოლო დეკემბერში — საკონცერტო ალბომი „Live at Madison Square Garden“.
2018: Shawn Mendes
2018 წლის 25 მაისს შონ მენდესმა გამოუშვა მისი მესამე ალბომი Shawn Mendes. ალბომის წამყვანი სინგლი „In My Blood“, რომელიც 2018 წლის 22 მარტს გამოიცა, მეთერთმეტე ადგილს იკავებდა აშშ-ის ბილბორდის ცხელ ასეულში. ხოლო მისი მეორე სინგლი „Lost In Japan“ გამოიცა მომდევნო დღეს.
61-ე გრემის დაჯილდოებაზე შონის მესამე ალბომი მოხვდა ნომინაციაში „საუკეთესო პოპ ვოკალური ალბომი“, ხოლო მისი სინგლი „In My Blood“ — ნომინაციაში „წლის სიმღერა“. სინგლმა ბილბორდის ზრდასრულთა პოპ სიმღერების ჩარტში პირველი ადგილი დაიკავა, რითაც მენდესი პირველი და ერთადერთი შემსრულებელი გახდა, რომელსაც ოთხი ნომერ პირველი სინგლი ჰქონდა 20 წლამდე ასაკამდე.
2018 წლის 1 ნოემბერს მენდესი ერთ-ერთ მუსიკალურ შემსრულებლად წარსდგა Victoria's Secret Fashion Show-ზე, რომელიც ნოემბერში ჩაიწერა და დეკემბერში ეთერში გავიდა.
2019 წლის 3 მაისს მენდესმა გამოუშვა სინგლი „If I Can You Have You“, მუსიკალურ ვიდეოსთან ერთად.[3] სინგლი მეორე ადგილს იკავებდა აშშ-ის ბილბორდის ცხელ ასეულში და გახდა მისი ყველაზე მაღალი დონის სინგლი ცხრილში.[4] ასევე მოხვდა ავსტრალიისა და დიდი ბრიტანეთის ტოპ ათეულში და გახდა მისი მეხუთე ტოპ-10-ში მოხვედრილი სინგლი ორივე ქვეყანაში.[5][6] 19 ივლისს მან გამოუშვა გრიფინის (Gryffin) რემიქსი „If I Can't Have You“.[7]
2019 წლის 21 ივნისს მან კამილა კაბელოსთან ერთად გამოუშვა „Señorita“ (მუსიკალურ ვიდეორგოლთან ერთად).[8] სიმღერამ მეორე ადგილი დაიკავა აშშ-ის ბილბორდის ცხელ ასეულში.[9][10]
ჯილდოები და ნომინაცია
მენდესს მიღებული აქვს უამრავი ჯილდო. მოიპოვა კანადის კომპოზიტორთა, ავტორთა და მუსიკალურ გამომცემელთა საზოგადოების 13 ჯილდო, 11 MTV ევროპის მუსიკალური ჯილდო, 8 iHeartRadio-ს მუსიკალური ვიდეოს ჯილდო, 8 Juno-ის, 3 BMI-ის, 3 ამერიკული მუსიკის, 2 MTV ვიდეო მუსიკის ჯილდოები და ა. შ. ჯილდოები. ნომინირებული იყო გრემის სამ ჯილდოზე.
დისკოგრაფია
- ალბომები
- Handwritten (2015)
- Illuminate (2016)
- Shawn Mendes (2018)
ტურნეები
წამყვანი შემსრულებელი
- ShawnsFirstHeadlines[11] (2014–15)
- Shawn Mendes World Tour (2016)
- Illuminate World Tour (2017)
- Shawn Mendes: The Tour (2019)
თანაწამყვანი შემსრულებელი
- Jingle Ball Tour 2014 (სხვადასხვა შემსრულებელი)[12] (2014)
- Jingle Ball Tour 2015 (სხვადასხვა შემსრულებელი) (2015)
წარმდგენი შემსრულებელი
- Live on Tour (ოსტინ მეჰოუნი) (ჩრდილოეთი ამერიკა)[13] (2014)
- The 1989 World Tour (ტეილორ სვიფტი) (ჩრდილოეთი ამერიკა)[14](2015)
რესურსები ინტერნეტში
შეგიძლიათ იხილოთ მედიაფაილები თემაზე „შონ მენდესი“ ვიკისაწყობში.- ოფიციალური საიტი
- შონ მენდესი კინოფილმების ინტერნეტ-მონაცემთა ბაზაში
- შონ მენდესი Twitter-ზე
- შონ მენდესი Instagram-ზე
