ಜೋಸ್ ಎಚೆಗಾರೆ
ಜೋಸ್ ಎಚೆಗಾರೆ(ಎಪ್ರಿಲ್ 19, 1832 – ಸೆಪ್ಟೆಂಬರ್ 14, 1916) ೧೯೦೪ನೆಯ ಸಾಲಿನ ಸಾಹಿತ್ಯದ ನೋಬೆಲ್ ಪ್ರಶಸ್ತಿಗಳಿಸಿದ ನಾಟಕಕಾರ.ಇವರು ಸ್ಪೇನ್ ದೇಶದವರು. ಇವರು ನಾಟಕಕಾರರಲ್ಲದೆ ಒಬ್ಬ ವಾಸ್ತುಶಿಲ್ಪಿ, ಗಣಿತಜ್ಞ,ರಾಜನೀತಿತಜ್ಞ ಕೂಡಾ ಆಗಿದ್ದು ಬಹುಮುಖಿ ಪ್ರತಿಭಾವಂತ.ಇವರಿಗೆ ನಾಟಕಕಾರನಾಗಿ ತನ್ನ ಕೃತಿಗಳ ಮೂಲಕ ಸ್ಪೇನ್ ದೇಶದ ರಂಗಭೂಮಿಯನ್ನು ಉನ್ನತ ಸ್ಥಾನಕ್ಕೆ ಏರಿಸಿದ ಸಾಧನೆಗೆ ನೋಬೆಲ್ ಪಾರಿತೋಷಕವನ್ನು ನೀಡಲಾಯಿತು.
ಜೋಸ್ ಎಚೆಗಾರೆ | |
---|---|
ಜನನ | ಮ್ಯಾಡ್ರಿಡ್, ಸ್ಪೇನ್ | ೧೯ ಏಪ್ರಿಲ್ ೧೮೩೨
ಮರಣ | September 14, 1916 ಮ್ಯಾಡ್ರಿಡ್, ಸ್ಪೇನ್ | (aged 84)
ವೃತ್ತಿ | ನಾಟಕಕಾರ, ವಾಸ್ತುಶಿಲ್ಪ and ಗಣಿತಜ್ಞ |
ರಾಷ್ಟ್ರೀಯತೆ | ಸ್ಪಾನಿಷ್ |
ಪ್ರಕಾರ/ಶೈಲಿ | ನಾಟಕ |
ಪ್ರಮುಖ ಪ್ರಶಸ್ತಿ(ಗಳು) | Nobel Prize in Literature 1904 |
ಬಾಲ್ಯ
ಜೋಸ್ ಡಿ ಎಚೆಗಾರೆ ವಿದ್ವಾಂಸರ ಕುಟುಂಬದಲ್ಲಿ ಜನಿಸಿದರು. ಅವರ ತಂದೆ ಗ್ರೀಕ್ ಪ್ರಾಧ್ಯಾಪಕರಾಗಿದ್ದರು.ಎಚೆಗಾರೆ ಅರ್ಥಶಾಸ್ತ್ರದಲ್ಲಿ ಪದವಿಯ ಜೊತೆಗೆ ಎಂಜಿನಿಯರಿಂಗ್ ಪದವಿಯನ್ನು ಕೂಡಾ ಪಡೆದವರು.[೧]
ಸರಕಾರಿ ಸೇವೆ
ಎಚೆಗಾರೆ ಮುಂದೆ ತಮ್ಮ ಜೀವನದಲ್ಲಿ ರಾಜಕೀಯವನ್ನು ಪ್ರವೇಶಿಸಿ ಅಲ್ಲಿ ವಿವಿಧ ಹುದ್ದೆಗಳಲ್ಲಿದ್ದು ಆ ದೇಶದ ಹಣಕಾಸು ಮತ್ತು ಲೋಕೋಪಯೋಗಿ ಖಾತೆ ಸಚಿವರಾಗಿದ್ದರು.[೧]
ಸಾಹಿತ್ಯ
ಇವರಿಗೆ ೧೯೦೪ನೆಯ ಸಾಲಿನ ಸಾಹಿತ್ಯದ ನೋಬೆಲ್ ಪ್ರಶಸ್ತಿ ಕೊಡಲಾಯಿತು. ಇದು ಸ್ಪೇನ್ ದೇಶಕ್ಕೆ ದೊರೆತ ಮೊದಲ ನೋಬೆಲ್ ಪ್ರಶಸ್ತಿಯಾಗಿ ದಾಖಲಾಗಿದೆ.ಇದರ ಪ್ರಸಿದ್ಧ ನಾಟಕ ಎಲ್ ಗ್ರಾನ್ ಗಲೋಟೊ(El gran Galeoto)೧೯ನೆಯ ಶತಮಾನದ ಭಾವಾತಿರೇಖದ ಶೈಲಿಯಲ್ಲಿ ಬರೆಯಲ್ಪಟ್ಟಿದೆ.ಇದನ್ನು ಪಾರಮೌಂಟ್ ಪಿಕ್ಚರ್ಸ್ ಸಂಸ್ಥಯವರು ಮೂಕಿ ಚಿತ್ರವನ್ನಾಗಿ ಚಲನಚಿತ್ರಕ್ಕೆ ತಂದರು. ಚಿತ್ರದ ಹೆಸರು ದಿ ವರ್ಲ್ದ್ ಅಂಡ್ ಹಿಸ್ ವೈಫ್. ಇವರ ಪ್ರಸಿದ್ಧ ಕೃತಿಗಳಲ್ಲಿ ೧೮೯೨ ರ ಮರಿಯಾನ,೧೮೯೫ರಲ್ಲಿ ರಚಿಸಿದ ಎಲ್ ಎಸ್ಟಿಗ್ಮಾ,೧೯೦೦ರಲ್ಲಿ ರಚಿಸಿದ ಎಲ್ ಲೊಕೊ ಡಿಯೋಸ್ ಸೇರಿದೆ.
ಉಲ್ಲೇಖಗಳು
ಬಾಹ್ಯ ಸಂಪರ್ಕಗಳು
- Media related to José Echegaray y Eizaguirre at Wikimedia Commons
- Nobel Prize biography Archived 2013-06-16 ವೇಬ್ಯಾಕ್ ಮೆಷಿನ್ ನಲ್ಲಿ.
- Elsevier Publishing Co. biography
- Works by José Echegaray at Project Gutenberg