ಬಲಾತ್ಕಾರದ ಸಂಭೋಗ

ಬಲಾತ್ಕಾರದ ಸಂಭೋಗವು (ಅತ್ಯಾಚಾರ) ಒಂದು ಬಗೆಯ ಲೈಂಗಿಕ ಅಪರಾಧವಾಗಿದೆ. ಇದರಲ್ಲಿ ಸಾಮಾನ್ಯವಾಗಿ ಒಬ್ಬ ವ್ಯಕ್ತಿಯ ಮೇಲೆ ಅವನ/ಅವಳ ಸಮ್ಮತಿಯಿಲ್ಲದೆಯೇ ಸಂಭೋಗ ಅಥವಾ ಇತರ ರೂಪದ ಲೈಂಗಿಕ ಪ್ರವೇಶವನ್ನು ಎಸಗಲಾಗುತ್ತದೆ. ಈ ಕ್ರಿಯೆಯನ್ನು ಶಾರೀರಿಕ ಬಲ, ಬಲಾತ್ಕಾರ, ಅಧಿಕಾರದ ದುರುಪಯೋಗದಿಂದ ನಡೆಸಬಹುದು, ಅಥವಾ ಸಕ್ರಮ ಸಮ್ಮತಿಯನ್ನು ನೀಡಲು ಅಸಮರ್ಥವಾಗಿರುವ ವ್ಯಕ್ತಿಯ (ಉದಾಹರಣೆಗೆ ಪ್ರಜ್ಞೆ ತಪ್ಪಿದ, ಅಶಕ್ತನಾಗಿಸಿದ, ಬೌದ್ಧಿಕ ಅಶಕ್ತತೆಯಿರುವ, ಸಮ್ಮತಿಯ ವಯಸ್ಸಿಗಿಂತ ಕಡಿಮೆ ವಯಸ್ಸಿನ ವ್ಯಕ್ತಿ) ವಿರುದ್ಧ ನಡೆಸಬಹುದು.^[೧]

ಅತ್ಯಾಚಾರದ ವರದಿ ಒಪ್ಪಿಸುವ, ಅದರ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳುವ ಮತ್ತು ಶಿಕ್ಷೆ ನೀಡುವ ಪ್ರಮಾಣ ಕಾನೂನುವ್ಯಾಪ್ತಿಗಳ ನಡುವೆ ಬದಲಾಗುತ್ತದೆ. ವಿಶ್ವಾದ್ಯಂತ, ಅತ್ಯಾಚಾರವನ್ನು ಮುಖ್ಯವಾಗಿ ಪುರುಷರು ಎಸಗುತ್ತಾರೆ.^[೨] ವ್ಯಕ್ತಿಗೆ ತಿಳಿದಿರುವ ಜನರಿಂದ ಅತ್ಯಾಚಾರಕ್ಕಿಂತ ಅಪರಿಚಿತರಿಂದ ಅತ್ಯಾಚಾರವು ಸಾಧಾರಣವಾಗಿ ಕಡಿಮೆ ಸಾಮಾನ್ಯವಾಗಿದೆ. ಪುರುಷರ ಮೇಲೆ ಪುರುಷರ, ಹಾಗೂ ಮಹಿಳೆಯರ ಮೇಲೆ ಮಹಿಳೆಯರ ಅತ್ಯಾಚಾರ ಜೈಲುಗಳಲ್ಲಿ ಸಾಮಾನ್ಯವಾಗಿದೆ ಮತ್ತು ಅತ್ಯಾಚಾರದ ಅತಿ ಕಡಿಮೆ ವರದಿ ಮಾಡಲಾದ ರೂಪಗಳಾಗಿರಬಹುದು.