ಈ ಊರಿನಲ್ಲಿ ಹರಿ ಮತ್ತು ಹರರ ದೇವಾಲಯ ಪರಸ್ಪರ ಮುಖ ಮಾಡಿರುವ ಕಾರಣದಿಂದ ಈ ಊರಿಗೆ ಹರಿಹರಪುರ ಎಂಬ ಹೆಸರು ಬಂತು. ಇಲ್ಲಿಯ ತುಂಗಾ ತೀರದಲ್ಲಿನ ಹರನ ದೇವಾಲಯವು ೪೦೦ ವರ್ಷದ ಇತಿಹಾಸವನ್ನು ಹೂಂದಿದೆ. ಇದು ಶ್ರೀ ಮಠದಿಂದ ೧ ಕೀ.ಮೀ. ದೂರದಲ್ಲಿದೆ. ಈ ದೇವಾಲಯವು ಸಂಪೂರ್ಣ ರಾಮಾಯಣವನ್ನು ಚಿತ್ರಿಸುವ ಮೂರು ಕಡೆಗಳಲ್ಲಿ ಸಂಕೀರ್ಣವಾದ ಕೆತ್ತನೆಗಳನ್ನು ಹೊಂದಿದೆ.^[೧][೨]

ತುಂಗಾ ನದಿಯ ೧೧೦ ವರ್ಷ ಹಳೆಯ ಸೇತುವೆಯು ಹರಿಹರಪುರ ಮತ್ತು ಕೊಪ್ಪಕ್ಕೆ ಸಂಪರ್ಕಿಸುತ್ತದೆ.ಈ ಸೇತುವೆಯನ್ನು ಸರ್ ಎಂ ವಿಶ್ವೇಶ್ವರಯ್ಯರವರು ನಿರ್ಮಿಸಿದ್ದಾರೆ ಎಂಬ ನಂಬಿಕೆ ಇದೆ. ಇಲ್ಲಿ ಶ್ರೀ ಆದಿಶಂಕರಾಚಾರ್ಯ ಲಕ್ಷ್ಮೀ ನರಸಿಂಹ ಪೀಠ ಇದೆ.^[೩][೪]

ಈ ಸೇತುವೆ ತುಂಗಾ ನದಿಗೆ ಅಡ್ಡಲಾಗಿ ನಿರ್ಮಿಸಲಾಗಿದೆ. ಇದು ಪಾದಚಾರಿ ಸೇತುವೆಯಾಗಿದ್ದು ಇದು ಚಿತ್ರಕೂಟದ ಪ್ರಬೋಧಿನಿ ಗುರುಕುಲವನ್ನು ಸಂದಿಸುತ್ತದೆ.

ಭೇಟಿ ನೀಡಲು ಉತ್ತಮ ಸಮಯ

ಹೆಚ್ಚಾಗಿ ಭೇಟಿ ನೀಡಲು ಉತ್ತಮ ಸಮಯ ನಿಮ್ಮ ಆಸಕ್ತಿಯನ್ನು ಅವಲಂಬಿಸಿರುತ್ತದೆ. ಜೂನ್ - ಸೆಪ್ಟೆಂಬರ್ ತಿಂಗಳಲ್ಲಿ ಮಳೆ ಇಡೀ ಮಲ್ನಾಡ್ ಪ್ರದೇಶವನ್ನು ತುಂಬುತ್ತದೆ ಮತ್ತು ಇದು ಕಣ್ಣುಗಳಿಗೆ ಹಬ್ಬವಾಗಿದೆ. ಚಳಿಗಾಲವು ಶೀತ ಮತ್ತು ಮಂಜಿನಿಂದ ಕೂಡಿರುತ್ತದೆ ಮತ್ತು ಬೇಸಿಗೆ ಬಿಸಿಯಾಗಿರುತ್ತದೆ ಆದರೆ ಆರ್ದ್ರವಾಗಿರುವುದಿಲ್ಲ.

ಶ್ರೀ ಮಠವನ್ನು ಶ್ರೀ ಆದಿ ಶಂಕರಾಚಾರ್ಯರರು ಹಳ್ಳಿಗೆ ಭೇಟಿ ನೀಡಿದ ಸಂದರ್ಭ ಸ್ಥಾಪಿಸಿದ್ದಾರೆ ಎಂದು ನಂಬಲಾಗಿದೆ. ಶ್ರೀ ಆದಿ ಶಂಕರಾಚಾರ್ಯರರು ಹಳ್ಳಿಗೆ ಬಂದಾಗ ಬಾಲ ಕೃಷ್ಣನನ್ನು ಭೇಟಿ ಮಾಡಿದ್ದರು.ಭೇಟಿ ಮಾಡಿದ್ದರ ಕುರುಹಾಗಿ ಇಲ್ಲಿ ಶ್ರೀ ಚಕ್ರವನ್ನು ಸ್ಥಾಪಿಸಿದ್ದಾರೆ ಎಂಬ ಪ್ರತೀತಿ ಇದೆ ಹಾಗೂ ತಾಯಿ ಶಾರದಾಂಬೆ ಇಲ್ಲಿ ಉಪದೇಶವನ್ನು ಶ್ರೀ ಕೃಷ್ಣನಿಗೆ ಆರಂಭಿಸಿದರು, ಹೀಗೆ ಶ್ರೀ ಆದಿಶಂಕರಾಚಾರ್ಯ ಲಕ್ಷ್ಮೀ ನರಸಿಂಹ ಪೀಠ ಹರಿಹರಪುರವು ಅಸ್ತಿತ್ವಕ್ಕೆ ಬಂದಿತು ಎಂದು ಹೇಳಲಾಗುತ್ತದೆ. ಇದು ಶ್ರೀ ಆದಿಶಂಕರಚಾರ್ಯರು ಸ್ಥಾಪಿಸಿದ ಕೆಲವು ಧರ್ಮಪೀಠಗಳಲ್ಲಿ ಒಂದಾಗಿದೆ ಎಂದು ನಂಬಲಾಗಿದೆ. ಶ್ರೀಮಠದ ಸಹಾಯದಿಂದ ಹರಿಹರಪುರ ಮತ್ತು ಸುತ್ತಮುತ್ತಲಿನ ಅನೇಕ ಶಾಲೆಗಳು ಮತ್ತು ಕಾಲೇಜುಗಳು ಕಾರ್ಯನಿರ್ವಹಿಸುತ್ತಿವೆ. ಅತ್ಯಂತ ಕಡಿಮೆ ಶುಲ್ಕವನ್ನು ವಿಧಿಸಲಾಗುತ್ತಿದೆ, ಮತ್ತು ಬಡಮಕ್ಕಳಿಗೆ ಉಚಿತ ಶಿಕ್ಷಣವನ್ನು ಒದಗಿಸಲಾಗುತ್ತಿದೆ. ಶ್ರೀ ಸಚ್ಚಿದಾನಂದ ಸಾರಸ್ವತಿ ಇಂಗ್ಲೀಷ್ ಮಾಧ್ಯಮ ಶಾಲೆ, ಶ್ರೀ ಅಭಿನವ ರಾಮಾನಂದ ಸಾರಸ್ವತಿ ಪದವಿ ಪೂರ್ವ ಕಾಲೇಜು, ಸ್ವಯಂಪ್ರಕಾಶ ವಿದ್ಯಾ ಸಂಸ್ಥೆ, ನಾರ್ವೆ, ಶ್ರೀ ರಾಮಾನಂದ ಸಾರಸ್ವತಿ ಹೈಸ್ಕೂಲ್, ಕಿಗ್ಗಾ. ಪ್ರತಿ ವರುಷ ೧೦,೦೦೦ ಪುಸ್ತಕಗಳನ್ನು ಹರಿಹರಪುರ, ಕಿಗ್ಗಾ, ನಾರ್ವೆ, ತೋರೆಹಾಡ್ಲುನ ಶಾಲೆಗಳಿಗೆ ಕೊಡುತ್ತಾರೆ.^[೫]

ಹರಿಹರಪುರಕ್ಕೆ ೧೨೦ ಕೀ.ಮೀ.ದೂರದಲ್ಲಿ ಮಂಗಳೂರು ವಿಮಾನ ನಿಲ್ದಾಣವಿದೆ. ಬೆಂಗಳೂರಿನಿಂದ ಶೃಂಗೇರಿಗೆ ಖಾಸಗಿ ಹಾಗೂ ಸರ್ಕಾರಿ ಬಸ್ಸುಗಳು ಇವೆ. ಶೃಂಗೇರಿಗೆ ಶಿವಮೊಗ್ಗದಿಂದ ಬಸ್ ಇದೆ. ಹರಿಹರಪುರದಿಂದ ೭೫ಕಿಮೀ ದೂರದಲ್ಲಿ ಕೊಂಕಣ ರೈಲ್ವೆ ಇದೆ. ಅಲ್ಲಿಗೆ ಹತ್ತಿರದ ವಿಮಾನ ನಿಲ್ದಾಣವೆಂದರೆ ಮಂಗಳೂರು ವಿಮಾನ ನಿಲ್ದಾಣ ಹರಿಹರಪುರದಿಂದ ೧೨೦ ಕಿ.ಮೀ ದೂರದಲ್ಲಿದೆ. ಹರಿಹರಪುರದಲ್ಲಿ ನಿಲ್ಲುವ ಬೆಂಗಳೂರಿನಿಂದ ಶೃಂಗೇರಿಗೆ ನೇರ ಬಸ್ಸುಗಳಿವೆ ಮತ್ತು ಸುಗಮಾ / ನಿಶ್ಮಿತಾ ಪ್ರಯಾಣಿಸುವ ಖಾಸಗಿ ಬಸ್ ಲಭ್ಯವಿದೆ. ಪ್ರತಿ ೧೫ ನಿಮಿಷದ ಬಸ್ಸುಗಳು ಶಿವಮೊಗ್ಗದಿಂದ ಶೃಂಗೇರಿಗೆ ಲಭ್ಯವಿದೆ, ಶಿವಮೊಗ್ಗವು ಭಾರತದ ಯಾವುದೇ ಸ್ಥಳದಿಂದ ಉತ್ತಮ ಮಾರ್ಗವಾಗಿದೆ, ರಸ್ತೆ ಮತ್ತು ರೈಲು ಸಾರಿಗೆಗೆ ಶಿವಮೊಗ್ಗ ಉತ್ತಮ ಸಂಪರ್ಕ. ಶಿವಮೊಗ್ಗವು ಹತ್ತಿರದ ರೈಲ್ವೆ ನಿಲ್ದಾಣವಾಗಿದ್ದು, ಹರಿಹರಪುರದಿಂದ ೯೦ ಕಿ.ಮೀ ದೂರದಲ್ಲಿದೆ ಮತ್ತು ಕೊಂಕಣ ರೈಲ್ವೆ ಹೊಂದಿರುವ ಉಡುಪಿ ಹರಿಹರಪುರದಿಂದ ೭೫ ಕಿ.ಮೀ ದೂರದಲ್ಲಿದೆ