Леонид Гайдай

Иркутск облусу драма театрынын студиясын (1947) жана ВГИКти (1955) бүтүргөндөн «Мосфильмде», коюучурежиссёр. Гайдай негизинен сатиралык кинокомедия жанрында иштеген. 1958-ж. «Тиги дүйнөдөнкелген күйөө» кинопамфлетин, сов. кинематографиянын «Дөбөт Барбос жана өзгөчө кросс» (1961) жана «Самогончулар» (1962) жана башка белгилүү фильмдерин Ю. В. Никулин, Г. М. Вицин, Е. А. Моргуноеду чогуу катыштырып тарткан. Фильмдеринде адаттан тыш. миниатюралар-трюктардын, пантомиманын, пародиялардын элементтерин пайдаланган. «“Ы” операциясы жана Шуриктин жоруктары» (1965), «Кавказ туткуну же Шуриктин кийинки жоруктары» (1967) Краковдогу Дүйнөлүк кинофестивалда сыйлыктарга ээ болгон. «Жакут кол» (1969), «12 орундук» (1971), «Иван Васильевич кесибин өзгөртөт» (1973), «Ширеңке издеп» (1980, СССР Финляндия), «Спортлото-82» (1982) фильмдеринде комедия жанрын өзгөчө изденүү менен уланткан. Гайдайдын белгилүү кинокомедиялары: «Үч жолу тирилген» (1960), «Мүмкүн эмес!» (1975), «Өмүргө коркунучтуу» (1985), «Дерибасовскиде аба ырайы жакшы же Брайтон-бичте дагы эле жаан» (1992, АКШ менен бирге). Гайдай өз фильмдеринин сценарийинин автору же авторлош болгон. РСФСР мамлекеттик сыйлыгынын лауреаты (1970). Иркутскидеги Россия киноборборуна ысмы берилген.

• “Кыргызстан” улуттук энциклопедиясы: 2-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2007. 808 бет, илл. ISBN 978 9967-14-055 -4