Ararat Mirzojan

Ararat Samuelis f. Mirzojan, litteris Armeniacis Արարատ Սամվելի Միրզոյան (Erivani in urbe die 23 Novembris 1979 natus) est archivarius et politicus Armeniae.

Ararat Mirzojan

Res apud Vicidata repertae:

Nativitas: 23 Novembris 1979; Erivanum
Patria: Armenia

Alumnus est Universitatis Erivanensis ubi historiae studuit et recentius scientiam informaticam docuit. Studia persecutus est apud academiam scientiarum Armenicam ibidemque apud academiam administrationis publicae. Archivarius operam dedit iuxta institutum genocidii Armenorum eiusdem academiae, deinde apud archivum Nationale Armenicum argentariamque HSBC.

Inter conditores fuit factionis, nomine "Pactionis civilis", quam Nicolaus Pašinjan conduxit. die 12 Maii 2018 primo ministro creato, Ararat Mirzojan primus minister vicarius ab hoc die usque ad 14 Ianuarii 2019 meruit, qui die praeses congressus nationalis Armeniae electus est. Denuo die 19 Augusti 2021, Pašinjan etiam primo ministro fungente, minister a rebus externis factus est,.