Civitas Londinium

Civitas Londinium^[1] sive Urbs Londinium^[1] (Anglice City of London) est urbs ac comitatus sollemnis Angliae, intra Londinium situs, civitati Vestmonasterio adiacens. A tempore Imperii Romani ad Medium Aevum maior pars erat totius areae urbanae, sed tempore recenti Londinium maius longe ultra fines civitatis crescit, et hodie Civitas Londinium est solum parva Londinii pars. Nobilis est negotiis et officinis pecuniariis; locutio Anglica "the City" saepe haec negotia per metonymiam significat. Etiam duo ex Hospitiis Curiae hic iacent: Templum Interius et Templum Medium. Civitati Londinio anno 2011 7 375 incolae erant.