Hypertextus
Hypertextus (-us, m.) est quoddam genus textus verborum, persaepe computatro ostenti, qui nexibus ad alios textus praeditus est. Lector textus huius modi nexum sequens ad alium textum per monitorium facile moveri potest. Notissimum exemplum hypertextus hodie est tela totius terrae, quo interrete utitur.
Hypertextus antiquitus
Athenaeus Naucratita sicut hypertextum primigenium creasse dicitur in suis Deipnosophistis,[1] qui permultos textus cum nexibus bibliographicis in se continent.
Memex
Anno 1945 Vannevar Bush commentarium "As We May Think" ('Quomodo cogitemus') scripsit de machina commenticia Memex nomine, quae pellibus minimis data continentibus (Anglice: 'microfilm') utens, inter se conectis, quaevis data ostendere posset. Re vera nemo talem machinam aedificere poterat donec computatrum inventum est.
Hypertextus temporibus recentioribus
Anno 1965 nomina hypertext et hypermedia fecit Theodorus Nelson, qui una cum Andries Van Dam anno 1968 Hypertext Editing System (Systema Hypertextus Edendi)? creavit. Anno 1987, Apple Computatra systema hypertextus Hypercard vocatum vulgaverunt. Decennio 1980 exeunte, Timotheus Berners-Lee telam totius terrae creavit, quae omnia systemata hypertextus alia superavit.
