Lacuna (mare)
Vide etiam paginam discretivam: Lacuna
Lacuna[1][2][3] vel lacus maritimus[4], vel lacus,[5] vel fortasse palus marina[6] sive limnothalassa[7], sive vadum maris est humile aquae salsae vel amarae corpus, quod vadosus vel expositus pulvinus sabulosus, scopulus curalii, vel proprietas similis a mari altiore separat. Linguis terrae harenosis longissimis saepe lacunae a mari separatae sunt. Lacunae a fluminibus aquae dulcis aestuaria appellantur.
Plures lacunae varia nomina habent: Fretum Albemarle in Carolina Septentrionali; Magnus Sinus Meridianus, inter Insulam Longam et obices litoreos Insulae Ignis in Novo Eboraco; Sinus Vectae, qui Urbem Oceani a reliquo Vigorniensi comitatu in Terra Mariae separat; Flumen Banana in Florida; et Lacus Illawarra in Nova Cambria Australi.
In America Australi, verbum lacuna (Hispanice laguna) saepe merum lacum describit, sicut Lacuna Catemaco.
Lacuna salsa apud poetas usu metaphorico mare signficare potest,[8], alibi autem, imprimis in biologia, quamvis lagunam sive paludem aquae salsae.[9]
Nexus interni
Imagines
Glenrock vadum maris in Australia.
Lacus Anatius, lacus maritimus in Brasilia.
Lagoa Comprida in Azores.
Lacus maritimus Venetianus, ab Landsat 7 visus.
Lacus maritimus Stettinensis, ab Landsat circa annum 2000 visus.
Paene dimidia pars areae Kirimatorum est vadosa, ex una parte aquae dulcis et altera parte aquae salsae.
