Flumen

Vide etiam paginam discretivam: Flumen (discretiva)

Flumen (-inis, n.), sive fluvius sive amnis, est aqua, plerumque dulcis, in superficie terrae inter binas ripas aut in speluncis subterraneis ad aliud corpus aquae in loco inferiori affluens, sicut in oceanum, mare, sinum, lacum, paludem, locum uliginosum, vel aliud flumen.

Nomen fluminis a fluendo deducitur. Flumen fontem saepe habet in montibus et descendit clivos. Duo flumina, cum iungantur, confluere dicuntur. Parva flumina rivi appellantur.

Flumen aut fluvius?

Sic dixit Isidorus: "DE FLUMINIBUS. Fluvius est perennis aquarum decursus, a fluendo perpetim dictus. Proprie autem flumen ipsa aqua, fluvius cursus aquae. Prius autem flumen quam fluvius, id est prior aqua quam decursus."^[1]

Artifices antiqui fluvium per personam dei fluvialis fingere solebant, notabilis plerumque addita urna fontali.

Fluxus

Fluxus fluminis est summa aquae fluentis. Fluxus pendet ex altitudine fluminis, clivo, spatio inter ripas, velocitate aquae, imbribus, statu riparum, et elementis quae obstant.

Fons

Omnes conveniunt fontem fluminis situm esse in maximo aquae transitu. In confluentia loco, flumen minus dicitur influere in maius.

Nexus interni

Notae

Bibliographia

Jacobs, Jeffrey W. "Rivers, Major World." Water Encyclopaedia.
Leopold, Luna B. 1994. A View of the River. Cantabrigiae Massachusettae: Harvard University Press. ISBN 0674937325. OCLC 28889034. De geomorphologia et hydraulica aquae.
Middleton, Nick. 2012. Rivers: a very short introduction. Novi Eboraci: Oxford University Press. ISBN 9780199588671.

Nexus externi

Vicimedia Communia plura habent quae ad flumen spectant.

[1]

Search