Mongoli

Mongoli^[1] sive Mongoles^[2] vel etiam Mongali^[3] (Lingua Mongolica: Монголчууд, ᠮᠣᠩᠭᠣᠯᠴᠤᠳ, Moŋğolçuud, [ˈmɔɴ.ɢɔɬ.t͡ʃot]; Linguae Sinicae: 蒙古族; Lingua Russica: Монголы) sunt ethnos Asiae orientalis, quorum maxima pars in re publica populari Sinarum vivit (fere 6,3 decies centena milia)^[4], alii in Mongolia (fere 3 decies centena milia)^[5] et in Foederatione Russica (fere 650.000)^[6]

Mongoles ad maiorem Mongolicorum populorum familiam pertintent. A multis etiam Oirates in Mongolia occidentali et Buriati Calmuccique in Russia ad linguam Mongolicam numerantur, quamquam multum inter se differunt. Mongoles historia, patrimonio culturali ac identitate ethnica inter se coniuncti sunt.