The Simpsons
The Simpsons est comica series animata Americana, quae satirice non solum Americanorum sed etiam aliorum populorum mores exponit, quamquam minus ferociter quam South Park. Quae series televisifica inde ab exeuntibus annis 1980 a Matthaeo Groening, Iacobo L. Brooks et Samuele Simon creata est. Personas principales vocibus suis sustinent Daniel Castellaneta, Iulia Kavner, Nancy Cartwright, Yeardley Smith, Hank Azaria, Harrius Shearer.
Personae seriei
Principales
In episodiis huius seriei primas partes agit Americana familia ipsa Simpsonia mediocris quinque capitum quae oppidum Campifontem (Anglice: Springfield) habitant:
- Homerus Simpson (Anglice: Homer Simpson) est pater familias, homo stultus pigerrimusque, carne ingens, ardens cibo insaluberrimo et cervesia. Operi intentus est in loco nucleare Campifontis, at ille plures horas terit dormiendo quam laborando. Vox Homeri a Daniele Castellaneta agitur.
- Margarita Simpson (Anglice: Marge Simpson) est mater familias. Domina caerulea et altissima coma, semper est induta viride veste et rubro monile. Mater trium liberorum, sollicita et bona. Interdum sollicitudines suae tantae et tales sunt ut hysterica fiat. Vox Margaritae a Iulia Kavner agitur.
- Bartholomaeus Simpson (Anglice: Bart Simpson) est primigenus filius. Puer decem annorum natus, seditiosi ingenii, propter suas actiones spectatores saepe putant Bartholomaeum scelestum hominem factum iri. Bartholomaeo, funda et tabula subrotata mirabiliter experto, sunt nonnulli amici. Is saepe ludit cum Milhusio van Houten (Anglice: Milhouse van Houten), stolido puero caerulea coma ardenti amore Bartholomaei sorori, Lisae Simpson. Vox Bartholomaei a Nancy Cartwright agitur.
- Elisabetha Simpson (Anglice: Lisa Simpson) est secunda Homeri et Margaritae filia. Puella octo annorum nata, est sapientissima omnium: in schola est optima discens; musicam amat, et bene saxophono canit. Etiam minima natu est inter capita Mensae. Vox Lisae a Yeardley Smith agitur.
- Magdalena Simpson (Anglice: Maggie Simpson) est iunior filia. Puella secundum annum agens, loqui ambulareque non potest propter aetatem.
- Abrahamus Simpson (Anglice: Abe Simpson) est pater Homeri et avus Lisae et Barti et Magdalenae. Vitam agit in gerusia, a familia fere numquam visitatur. Solum si Homerus vel persona altera aliquid habere vult, Abrahamus semper visitatur. Vox Abrahami a Daniele Castellaneta agitur.
Personae aliae
Notae
Nexus externi
Vicimedia Communia plura habent quae ad The Simpsons spectant. |
- Simpsons Wiki (Anglice), encyclopaedia de universo ficto
Haec stipula ad cinematographiam vel ad televisionem spectat. Amplifica, si potes! |
🔥 Top keywords: Vicipaedia:Pagina primaSpecialis:QuaerereCarolus PuigdemontMaria Antonia Austriaca (regina Franciae)Specialis:Nuper mutataLucius AntoniusSecundum bellum mundanumVicipaediaVicipaedia:PraefatioSaturnus (deus)Vicipaedia:Porta communisVicipaedia:SalveLingua LatinaIPv6Vicipaedia:NuntiiVicipaedia:TabernaPagina primaPerusinum bellumRomaCivitates Foederatae AmericaeSelenaFasciculus:Akhilleus embassy Staatliche Antikensammlungen 8770- cropped white balanced glare reduced.pngIoannes WiclefusGaius Iulius CaesarSchola Polytechnica FrancicaLuaNapoleo I (imperator Francogallorum)Narcissus (mythologia)Constans PlanckianaLingua AnglicaNovum Eboracum (urbs)Imperium RomanumVicipaedia:Index paginarum cottidianarumGermaniaTechnologiaDigimonDisputatio:Ioannes WycliffeFalsus amicusVicipaedia:Repudiationes