Guangzhou

Guangzhou

Land	Volleksrepublik China
Status:	Bezierkfräi Stad
Provënz:	Guangdong
Koordinaten:	22°26'N; 112°57' O
Fläch:	7.434,4 km²
Awunner:	9.100.000 (2005)
Héicht:	5 m

Guǎngzhōu (chin. 广州/廣州, fréier och Kanton， kantonesesch: Guong2zeo1) ass eng Stad am Süde vun der Volleksrepublik China.

A China gëtt d'Stadt och 穗 Suì oder 羊城 yángchéng (Stad vun de Geessen) genannt. D'Symbol vun der Stad ass nämlech eng Statu mat 5 Geessen.

Geographie

Si ass d'Haaptstad vun der Provënz Guǎngdōng a läit um Pärel-Floss, net wäit vun Hongkong ewech, an ass vun do liicht mam Zuch z'erreechen.

Bevëlkerung

Guangzhou huet zirka 9,1 Mio Awunner (Stand 1. Januar 2005).

Ekonomie

Guangzhou ass eng bedeitend Industrie- an Handelsplaz.

D'Noperschaft vun Hongkong hat - wéi iwwerall am Pärelflossdelta - e gënschtegen Afloss op d'wirtschaftlech Entwécklung an deem Raum. Zu Guangzhou ass zweemol am Joer eng gutt besichten international Foire (déi gréisst a China). Dat erkläert och, firwat déi Stad puer aussergewéinlech luxuriéis Hotellen huet. Et ass geplangt, an de nächste Joren zu Guangzhou den héchsten Televisiounstuerm vun der Welt ze bauen.