Goh Chok Tong
Goh Chok Tong (lahia 20 Mai 1941) adolah mantan politikus Singapura nan manjabaik sabagai Pardana Mantari Singapura kaduo, sajak 28 Nopember 1990 inggo 12 Agustus 2004, yaitu salamo 13 taun. Inyo kudian manjabaik sabagai Mantari Senior jo Katuo Otoritas Moneter Singapura (MAS) sajak 2004 inggo 2011.[1] Pado 25 Juni 2020, diumumkan baso Goh ka pansiun dari politik jo mundua sabagai Anggota Parlemen (MP) satalah 44 taun. Inyo indak ikuik sarato dalam pamiliahan umum Singapura 2020, manandoan tajadinyo pambaruan dalam kapamimpinan Partai Tindakan Rakyaik (PAP).[2]
 | |||||||||||||||||||
| Biografi | |||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|
| Lahia | 20 Mai 1941  (82 tahun (id) terjemahkan)Singapura | ||||||||||||||||||
12 Agustus 2004 – 21 Mai 2011 ← Lee Kuan Yew (id) 
12 Agustus 2004 – 21 Mai 2011 ← Lee Kuan Yew (id) – indak ado nilai →
28 Nopember 1990 – 12 Agustus 2004 ← Lee Kuan Yew (id) – Lee Hsien Loong (id) →
17 Agustus 1988 – 15 Januari 2016
2 Januari 1985 – 28 Nopember 1990
1r Juni 1982 – 30 Juni 1991 ← Howe Yoon Chong (en) – Yeo Ning Hong (en) →
6 Januari 1981 – 31 Mai 1982 ← Toh Chin Chye (id)
15 Maret 1979 – 31 Mai 1981 – Tony Tan Keng Yam (id) →
| |||||||||||||||||||
| Data pribadi | |||||||||||||||||||
| Almamater | Universitas Nasional Singapura (id) Kolese Williams (id) Raffles Institution (en) | ||||||||||||||||||
| Kagiatan | |||||||||||||||||||
| Karajo | Politikus | ||||||||||||||||||
| Partai politik | Partai Tindakan Rakyat (id) | ||||||||||||||||||
| Kaluarga | |||||||||||||||||||
| Pasangan hiduik | Tan Choo Leng (en) | ||||||||||||||||||
| Anak | Goh Jin Theng (en) | ||||||||||||||||||
Panghargaan
| |||||||||||||||||||
 | |||||||||||||||||||
Maso mudo
Goh lahia di Singapura pado 20 Mai 1941, dari pasangan Goh Kah Choon jo Quah Kwee Hwa, nan barasa dari wilayah Minnan di provinsi Fujian di Cino. Kaluargonyo adolah katurunan Cino Hokkien.[3] Goh manampuah pandidikannyo di Raffles Institution sajak 1955 inggo 1960.
Goh maraiah gala B.A.(hons) di bidang ekonomi dari Universitas Singapura jo gala M.A. di bidang ekonomi pambangunan dari Williams College pado taun 1967. Satalah kalulusannyo, Goh pulang ka Singapura untuak bakarajo di pamarentahan.[4] Arapan Goh untuak mandapek gala PhD tahalang dek pamarentah indak namuah mantransfer dana beasiswanyo ka universitas, padahal inyo lah manandotangani kontrak sabagai panaliti salapeh luluihnyo. Pado 2015, Goh diagiah gala LL.D. kahormatan dek almamaternyo, Universitas Nasional Singapura, ateh kontribusinyo bagi nagara.[5]
Karir di Neptune Orient Lines, 1969–1977
Pado taun 1969, Goh mandapeh tugeh di parusaoan palayaran nasional Neptune Orient Lines (NOL), sabagai Manajer Parancanoan jo Proyek. Karirnyo bakambang bana jo pado taun 1973 inyo manjabaik sabagai Direktur Pangalola. Di NOL, Goh bakarjo di bawah arahan pandiri parusaoan itu, Muhammad Jalaluddin Sayeed, nan mana inyo salalu manjago ubuangan dakeknyo.[6]
Pardana Manteri, 1990–2004
Pado 28 Nopember 1990, Goh manggantian Lee Kuan Yew jo manjadi Pardana Mantari kaduo Singapura. Sabagai Pardana Mantari, Goh manjanjian gaya kapemimpinan nan labih bapikiran tabukak jo konsultatif daripado pandaulunyo, tamasuak bidang sosial-ekonomi kaidupan; misalnyo dalam dukuangannyo ateh kabangkitan "bohemia-bohemia ketek" di Singapura, yaitu daerah kantuang di mano labiah banyak kreativitas jo kawirausaoan dapek bakambang.[7]
Sabagai Sekretaris Jenderal Partai Tindakan Rakyaik (PAP), Goh mamimpin partai ko meraih tigo kamanangan pamiliahan umum pado taun 1991, 1997, jo 2001, nan mano partai tasabuik mamanangan masiang-masiang 61%, 65%, jo 75% suaro. Satalah pamiliahan umum 2001, Goh mangindikasikan bahaso inyo ka mundua sabagai Pardana Mantari satalah mamimpin nagara kalua dari resesi.[4]
Mantari Senior, 2004–2011
Pado 12 Agustus 2004, Goh maunduaan diri sabagai Pardana Manteri, jo maambiak posisi baru sabagai Mantari Senior dalam kabinet nan dipimpin jo panggantinyo, Lee Hsien Loong. Pado tangga 20 Agustus 2004, Goh manjabaik sabagai Katuo Otoritas Moneter Singapura.[8]
Pado tangga 1 Februari 2005, Goh mandapek gala kaoromatan Companion of the Order of Australia, yaitu gala sipil tatinggi di Australia "ateh jasa nan lua biaso bagi ubuangan Australia-Singapura".[9]
Dalam pamiliahan umum 2006, Goh ditugehan untuak mambantu PAP mamanangan baliak duo wilayah konstituen oposisi di Hougang jo Potong Pasir,[10] namun inyo indak barasia dalam tugeh iko. Pada taun iko pulo Goh sampek dipatimbangkan untuak manjadi calon Sekretaris Jenderal Paserikatan Bangso-Bangso,[11] tatapi inyo kalah basaing jo posisi tu akianyo dijabaik dek Ban Ki-moon.[8]
Mantari Senior Emeritus
Satalah pemilihan umum 2011, Goh jo Lee Kuan Yew mangumuman bahaso mareka pansiun dari kabinet untuak mambarikan Pardana Mantari Lee Hsien Loong jo timnyo untuak dapek mambuek awa nan baru dalam maso jabatan parlemen baru salanjuiknyo.[12]
Pado tangga 18 Mei 2011, Lee Hsien Loong mangumuman bahaso Goh ka ditunjuak sabagai panasihaik senior untuak Otoritas Moneter Singapora, jo ka diagiah gala kaoromatan "Mantari Senior Emeritus".[13]
