Мартен Тјалинги
Мартен Питер Тјалинги (холандски: Maarten Pieter Tjallingii; р. 5 ноември 1977 во Леуварден) — поранешен холандски професионален друмски велосипедист, кој професионално настапувал од 2003 до 2016 година.
Тјалинги на Е3 Харелбеке 2009 | |||
Лични податоци | |||
---|---|---|---|
Цело име | Мартен Питер Тјалинги | ||
Роден | 5 ноември 1977 Леуварден, Холандија | ||
Висина | 1,88 м | ||
Маса | 81 кг | ||
Податоци за клубот | |||
Мом. клуб | пензиониран | ||
Дисциплина | друмски и планински велосипедизам | ||
Улога | возач | ||
Вид на возач | специјалист за бегства[1] | ||
Професионални клубови | |||
2003–2005 2006–2007 2008 2009–2016 | Марко Поло Скил-Шимано Сајленс-Лото Рабобанк | ||
Значајни победи | |||
| |||
Последна промена 19 јануари 2017 |
Последно возел за UCI World Tour екипата Џамбо-Висма.[2]
Кариера
Негова најголема победа била освојувањето на Трката околу Белгија во 2006 година.[3] Како чест учесник во бегствата на поголемите трки, негови најпознати резултати се третото место на Париз-Рубе 2011 и четири дена ја носел маичката за планинскиот пласман на Џиро д’Италија 2014.[1]
Тјалинги бил избран да настапи на Тур де Франс 2012, но паднал на третата етапа, иако продолжил уште 40 километри и завршил над десет минути зад победникот Петер Саган. Меѓутоа не успеал да ја започне четвртата етапа, поради фрактура на левиот колк.[4]
Тјалинги настапил на Џиро д’Италија 2016, која започнала во Холандија и имал успеси на првите етапи. Ја добил наградата за најборбен возач на втората етапа пред да го земе водството во планинскиот пласман на третата етапа, која завршила 250 метри од неговиот дом во Арнем. Претходно објавил дека ќе се повлече од возење во јуни, но потпишал шест месеци продолжување на договорот со Џамбо-Висма за 2016.[5][6]
Личен живот
Тјалинги е еден од малкумината познати вегетаријански велосипедисти.[7] Изгубил еден од своите бубрези како дете.[8]
Достигнувања
- 2001
- 3. Краен пласман Тур ду Фасо
- 1. Етапа 2
- 2003
- 1. Краен пласман Тур ду Фасо
- 1. Етапа 1
- 1. Трка околу Реде
- 2004
- 2. Национално планинско првенство
- 2006
- 1. Краен пласман Трка околу Белгија
- 1. Етапа 1
- 1. Краен пласман Трка околу Езерото Ќингхај
- 1. Етапа 7
- 2007
- 2. Краен пласман Трка околу Белгија
- 2011
- 3. Париз-Рубе
- 2013
- 1. Етапа 2 Светски пристаништен класик
- 2015
- 1. ГП Бекман-Де Калуве
- 2016
- Награда за борбеност на етапа 6 Тур Даун Андер
Распоред на резултатите на големите трки
Голема трка | 2008 | 2009 | 2010 | 2011 | 2012 | 2013 | 2014 | 2015 | 2016 |
---|---|---|---|---|---|---|---|---|---|
Џиро | — | 98 | — | — | — | 131 | 92 | 119 | 124 |
Тур | — | — | 131 | 98 | СО | — | — | — | — |
Вуелта | 58 | — | — | — | — | — | 137 | СО | — |
СО = се откажал; — = не учествувал
Наводи
Надворешни врски
- Матична страница
- „Достигнувања на Мартен Тјалинги“. Cycling Archives.
- „Достигнувања на Мартен Тјалинги“. Cycling Quotient.
- „Достигнувања на Мартен Тјалинги“. ProCycling.