1977

Истата година се среќава поинаку во календарите на различни народи и култури. Меѓу попознатите се вбројуваат: византискиот, асирскиот, еврејскиот, римскиот, кинескиот, будистичкиот и исламскиот.

Така, во византискиот календар, којшто времето го мери од создавањето на светот според Библијата, на 1 септември 5509 г. п.н.е. според продолжениот јулијански календар, таа трае во текот на 7485 и 7486 година. Според асирскиот календар, во којшто мерењето на времето започнува од 4750 г. п.н.е, кога се проценува дека бил изграден првиот храм во граот Асур, станува збор за 6727 година. Понатаму, во еврејскиот календар, којшто започнува на 1 септември 3760 г. п.н.е. според продолжениот јулијански календар или околу една година пред создавањето на светот според Евреите, годината се протега во текот на 5737 и 5738 еврејска година. Според календарот на Римјаните, којшто започнува од 753 г. п.н.е., кога браќата Ромул и Рем го основале градот Рим (познато и како Ab urbe condita), годината е избројана како 2730.

Во рамките на кинескиот календар, пак, постојат две поделени мислења за почетокот на броењето на годините: едни сметаат дека тоа е 61 година од владеењето на легендарниот Жолт цар или 2637 г. п.н.е.; додека други сметаат дека за почеток треба да се земе годината кога Жолтиот цар станал владетел, т.е. 2697 г. п.н.е. На тој начин, според првото гледиште, 1977 година се протега во 4613 и 4614, додека според второто гледиште, годината трае во текот на 4673 и 4674 кинеска година. Будистичкиот календар започнува да го мери времето од 543 г. п.н.е., година во којашто се смета дека Буда достигнал состојба на нирвана, и годината ја брои како 2520. Според исламскиот календар, во којшто мерењето на времето започнува со 622 година, т.е. годината на пребегнувањето на пророкот Мухамед од Мека во Медина (позната и како хиџра), годината се протега во текот на 1397 и 1398 исламска година.

• Amnesty International добива Нобелова награда за мир.
• 20 јануари - Џими Картер станува претседател на САД.
• 25 мај - Излегува Војна на ѕвездите, првиот филм од серијата филмови со ист наслов на Џорџ Лукас.
• 5 јули - Премиерот на Пакистан, Зулфикар Али Буто е тргнат од власта со воен пуч.
• 12 август - Спејс шатл на НАСА го прави првиот пробен тест на полетување од задниот дел на млазен авион.
• 20 август - Војаџер 2 полетува во вселената.
• 5 септември - Војаџер 1 е лансиран по кратка пауза.
• 5 септември - Ханс-Мартин Шлајер, претседател на германското здружение на работодаватели е киндапиран во Келн, Западна Германија. Киднаперите ги убиваат трите следечки полицајци и неговиот шофер. Тие бараат ослободување на припадниците на RAF (Фракција на Црвената Армија).
• 13 октомври - Четири Палестинци киндапираат авион на Луфтханза, барајќи ослободување на 11 припадници на RAF.
• 18 октомври - Членовите на RAF, Андреас Бадер, Жан-Карл Расп и Гудрун Енслин извршуваат самоубиство во затворот Штамхајн. Имгард Мелер не успева во тоа. Нивните поддржувачи и денес сметаат дека тие се убиени.
• 19 октомври - Ханс-Мартин Шлајер е убиен од страна на RAF.
• 19 ноември - Египетскиот претседател, Анвар Садат станува првиот арапски водач што официјално ќе го посети Израел, сретнувајќи се со израелскиот министер за надворешни работи Менахем Бегин. Тој одржува говор пред Кнесетот во Ерусалим, барајќи траен мир со Израел.
• 4 декември - Жан-Бедел Бокаса, претседател на Централноафриканската Република, се прогласува за цар.

• 13 јануари - Орландо Блум, британски глумец

• 16 јуни - Вернер фон Браун, американски инженер со германско потекло
• 2 јули - Владимир Набоков, руски писател и шаховски теоретичар
• 16 август - Елвис Присли, американски пејач
• 16 септември - Марија Калас, американска оперска пејачка со грчко потекло
• 25 декември - Чарли Чаплин, британски комичар и режисер

• „1977“ (1977) - песна на американскиот рапер Кул Кит (Kool Keith) од 1996 година.^[1]

• Календарот за таа година

• 1977 на Ризницата ^?