എ ഹിസ്റ്ററി ഓഫ് വയലൻസ്

എ ഹിസ്റ്ററി ഓഫ് വയലൻസ് ഡേവിഡ് ക്രോണൻബെർഗ് സംവിധാനം ചെയ്ത് ജോഷ് ഓൾസൺ രചന നിർവ്വഹിച്ച് 2005-ൽ പുറത്തിറങ്ങിയ ഒരു ഇംഗ്ലീഷ് ആക്ഷൻ ത്രില്ലർ ചിത്രമാണ്. 1997-ലെ ജോൺ വാഗ്നർ, വിൻസ് ലോക്ക് എന്നിവരുടെ ഇതേ തലക്കെട്ടിലുള്ള ഗ്രാഫിക് നോവലിൻറെ ചലച്ചിത്ര ഭാഷ്യമായിരുന്നു ഇത്. വിഗ്ഗോ മോർട്ടെൻസൻ, മരിയ ബെല്ലോ, എഡ് ഹാരിസ്, വില്യം ഹർട്ട് എന്നിവരാണ് ചിത്രത്തിലെ പ്രധാന അഭിനേതാക്കൾ. സിനിമയിൽ, ഒരു കവർച്ചശ്രമം പരാജയപ്പെടുത്തിയതിന് ശേഷം സ്ഥലത്തെ ഭക്ഷണശാലയുടെ ഉടമ ഒരു പ്രാദേശിക നായകനായി മാറുന്നു, എന്നാൽ തന്റെ കുടുംബത്തെ സംരക്ഷിക്കാൻ അദ്ദേഹത്തിന് മുൻശത്രുക്കളെ നേരിടേണ്ടതായി വരുന്നു.

2005-ലെ കാൻസ് അന്താരാഷ്ട്ര ചലചിത്രോത്സവത്തിൽ മത്സരവിഭാഗത്തിലേക് തെരഞ്ഞെടുക്കപ്പെട്ട ചിത്രമായിരുന്ന എ ഹിസ്റ്ററി ഓഫ് വയലൻസ്. 2005 സെപ്റ്റംബർ 23-ന് യുണൈറ്റഡ് സ്റ്റേറ്റ്സിൽ പരിമിതമായ റിലീസായി മാറ്റുകയും, തുടർന്ന് 2005 സെപ്റ്റംബർ 30-ന് ഒരു വൈഡ് റിലീസായി മാറുകയും ചെയ്തു. 2000-കളിലെ ഏറ്റവും മികച്ച സിനിമകളിൽ ഒന്നായി ഈ ചിത്രം വിലയിരുത്തപ്പെടുന്നു. ഈ ചിത്രം അതിലെ അഭിനേതാക്കളുടെ പ്രകടനത്തിനും തിരക്കഥ, ചുറ്റുപാടുകൾ എന്നിയുടെ പേരിലും പ്രത്യേകം പ്രശംസിക്കപ്പെട്ടു. വില്യം ഹർട്ട് മികച്ച സഹനടനുള്ള അക്കാദമി അവാർഡിന് നാമനിർദ്ദേശം ചെയ്യപ്പെട്ടപ്പോൾ, തിരക്കഥാകൃത്ത് ഓൾസൺ മികച്ച അവലംബിത തിരക്കഥയ്ക്കുള്ള അവാർഡിന് നാമനിർദ്ദേശം ചെയ്യപ്പെട്ടു. മോർട്ടൻസൻ തന്നെ അതിനെ "ഇതുവരെ കണ്ടിട്ടുള്ളതിൽ വച്ച് ഏറ്റവും മികച്ച സിനിമകളിലൊന്ന്" എന്ന് വിശേഷിപ്പിച്ചു.^[6] VHS-ഫോർമാറ്റിൽ പുറത്തിറങ്ങിയ അവസാനത്തെ പ്രധാന ഹോളിവുഡ് ചിത്രങ്ങളിൽ ഒന്നെന്ന നിലയിലും എ ഹിസ്റ്ററി ഓഫ് വയലൻസ് ശ്രദ്ധേയമാണ്.^[7]