ഒ. കോരൻ
രണ്ടും മൂന്നും കേരള നിയമ സഭകളിലെ അംഗവും സോഷ്യലിസ്റ്റ് നേതാവുമായിരുന്നു ഒ. കോരൻ (1919 - 1981). 1952 - 56 കാലത്ത് മദ്രാസ് നിയമ സഭാംഗമായി തെരഞ്ഞെടുക്കപ്പെട്ടിരുന്നു. മൂന്നാം കേരള നിയമസഭയിലെ അച്യുതമേനോൻ മന്ത്രിസഭയിൽ (1-11-1969 മുതൽ 1-8-1970 വരെ) കൃഷി-ജലസേചന വകുപ്പു മന്ത്രിയുമായിരുന്നു.
ഒ. കോരൻ | |
|---|---|
 | |
| കേരളത്തിന്റെ കൃഷി, ജലവിഭവ വകുപ്പ് മന്ത്രി | |
| ഓഫീസിൽ നവംബർ 1 1969 – ഓഗസ്റ്റ് 1 1970 | |
| മുൻഗാമി | എം.എൻ. ഗോവിന്ദൻ നായർ, പി.ആർ. കുറുപ്പ് |
| പിൻഗാമി | എൻ.കെ. ബാലകൃഷ്ണൻ, |
| കേരള നിയമസഭ അംഗം | |
| ഓഫീസിൽ മാർച്ച് 3 1967 – ജൂൺ 26 1970 | |
| മുൻഗാമി | ജോൺ കൊടുവാക്കോട് |
| പിൻഗാമി | പി. കുഞ്ഞൻ |
| മണ്ഡലം | കുഴൽമന്ദം |
| ഓഫീസിൽ ഫെബ്രുവരി 9 1960 – സെപ്റ്റംബർ 10 1964 | |
| മുൻഗാമി | കല്ലളൻ വൈദ്യർ |
| മണ്ഡലം | നീലേശ്വരം |
| വ്യക്തിഗത വിവരങ്ങൾ | |
| ജനനം | 1919 ഓഗസ്റ്റ് |
| മരണം | 1981 (പ്രായം 61–62) |
| രാഷ്ട്രീയ കക്ഷി | പി.എസ്.പി എസ്.എസ്.പി ജനതാ പാർട്ടി |
As of മാർച്ച് 6, 2022 ഉറവിടം: നിയമസഭ | |
ജീവിതരേഖ
അദ്ധ്യാപകനായിരുന്ന ഒ. കോരൻ കർഷകരെ സംഘടിപ്പിച്ചാണ് പൊതു രംഗത്തെത്തിയത്. മലബാർ കിസാൻ പഞ്ചായത്തിന്റെ വൈസ് പ്രസിഡന്റും മലബാർ ഹരിജൻ സമാജത്തിന്റെ പ്രസിഡന്റുമായിരുന്നു. ഹരിജനോദ്ധാരണ പ്രവർത്തനങ്ങളിൽ സജീവമായിരുന്ന അദ്ദേഹം പി.എസ്.പി യുടെയും പിന്നീട് എസ്.എസ്.പി യുടെയും ജോയിന്റ് സെക്രട്ടറിയായിരുന്നു. 1960 ൽ നീലേശ്വരത്തു നിന്നും 1967 ൽ കുഴൽമന്ദത്തു നിന്നും എസ്.എസ്.പി സ്ഥാനാർത്ഥിയായി തെരഞ്ഞെടുക്കപ്പെട്ടു. പിന്നീട് ജനതാ പാർട്ടിയിൽ ചേർന്ന അദ്ദേഹം അതിന്റെ സംസ്ഥാന കമ്മിറ്റി അംഗമായും അതിന്റെ കർഷക വിഭാഗമായ കർഷക ജനതയുടെ പ്രസി‍ഡന്റായും പ്രവർത്തിച്ചു. [1]