കൊള്ള
സൂരജ് വർമ്മ സംവിധാനം ചെയ്ത് 2023-ൽ പുറത്തിറങ്ങിയ ഒരു മലയാളം ത്രില്ലർ ചലച്ചിത്രമാണ് കൊള്ള.[3] രജിഷ വിജയനും പ്രിയ പ്രകാശ് വാര്യരുമാണ് ഈ സിനിമയിലെ പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്.[4] ജാസിം ജലാലും നെൽസൺ ജോസഫും ചേർന്നാണ് ചിത്രത്തിന്റെ തിരക്കഥയും സംഭാഷണവും എഴുതിയിരിക്കുന്നത്.[5] ഷാൻ റഹ്മാൻ സംഗീതം നൽകിയിരിക്കുന്നു, രാജവേൽ മോഹൻ ഛായാഗ്രഹണം നിർവ്വഹിക്കുന്നു.[6] രവി മാത്യു പ്രൊഡക്ഷൻസിന്റെ സഹകരണത്തോടെ രജീഷ് പ്രൊഡക്ഷൻസിന്റെ ബാനറിൽ രജീഷ് കെ.വി ആണ് ചിത്രം നിർമ്മിച്ചത്.[5][7] 2008 ലെ ചേലേമ്പ്ര ബാങ്ക് കവർച്ചയെ ആസ്പദമാക്കിയാണ് ചിത്രം നിർമ്മിച്ചിരിക്കുന്നത്.[8]
| കൊള്ള | |
|---|---|
 പോസ്റ്റർ | |
| സംവിധാനം | സൂരജ് വർമ്മ |
| നിർമ്മാണം |
|
| രചന |
|
| കഥ |
|
| അഭിനേതാക്കൾ | |
| സംഗീതം | ഷാൻ റഹ്മാൻ |
| ഛായാഗ്രഹണം | രാജവേൽ മോഹൻ |
| ചിത്രസംയോജനം | അർജു ബെൻ |
| സ്റ്റുഡിയോ |
|
| വിതരണം | അയ്യപ്പൻ മൂവീസ് റിലീസ് |
| റിലീസിങ് തീയതി |
|
| രാജ്യം | ഇന്ത്യ |
| ഭാഷ | മലയാളം |
| ബജറ്റ് | ₹3 കോടി[2] |
| സമയദൈർഘ്യം | 123 മിനിറ്റുകൾ |
അഭിനേതാക്കൾ
- രജിഷ വിജയൻ - ആനി
- പ്രിയ പ്രകാശ് വാര്യരാണ് - ശിൽപ
- വിനയ് ഫോർട്ട് - ഫാറൂഖ് റഹ്മാൻ, സർക്കിൾ ഇൻസ്പെക്ടർ
- അലൻസിയർ ലേ ലോപ്പസ് - സ്റ്റീഫൻ
- ഷെബിൻ ബെൻസൺ - ബേസിൽ
- ജിയോ ബേബി - വിക്ടർ, സബ് ഇൻസ്പെക്ടർ
- ഡെയിൻ ഡേവിസ് - സുഗീത്
- ഷൈനി ടി. രാജൻ - സ്റ്റീഫന്റെ ഭാര്യ
- പ്രശാന്ത് അലക്സാണ്ടർ - അളിയൻ
- ജോർഡി പൂഞ്ഞാർ - സ്കറിയാ
- വിനോദ് പറവൂർ - സതീശൻ, പഞ്ചായത്ത് മെമ്പർ
- സുധി കൊല്ലം - മേസ്തിരി
- പ്രേം പ്രകാശ്
- ഷാൻ റഹ്മാൻ - പോലീസ് സൂപ്രണ്ട്
സംഗീതം
ഷാൻ റഹ്മാനാണ് ഈ സിനിമയുടെ സംഗീതം ഒരുക്കിയിരിക്കുന്നത്.
| നമ്പർ. | തലക്കെട്ട് | വരികൾ | ഗായകർ | നീളം |
|---|---|---|---|---|
| 1. | "ആരാണു നാം" | വിനായക് ശശികുമാർ | പ്രിയ പ്രകാശ് വാര്യർ | 3:58 |
| 2. | "ദ ഹീസ്റ്റ് ഗാനം" | നെൽസൺ | ആതിര നായർ | 3:15 |
| മൊത്തം നീളം: | 7:13 | |||
റിലീസ്
തിയേറ്റർ
9 ജൂൺ 2023 ന് ചിത്രം തിയേറ്ററുകളിൽ റിലീസ് ചെയ്തു.[9]
ഹോം മീഡിയ
ചിത്രത്തിന്റെ ഡിജിറ്റൽ അവകാശം മനോരമമാക്സ് ആണ് സ്വന്തമാക്കിയത്.[10][11] ജൂലൈ 27 മുതൽ ചിത്രത്തിന്റെ ഓൺലൈൻ സംപ്രേഷണം മനോരമമാക്സിൽ ആരംഭിച്ചു.[12][13]
സ്വീകരണം
നിരൂപക സ്വീകരണം
ദ ഇന്ത്യൻ എക്സ്പ്രസിലെ നിരൂപകൻ അനന്ദു സുരേഷ് ചിത്രത്തിന് 5-ൽ 2 സ്റ്റാർ നൽകി.[3]
"'കൊള്ള' ഒരു ത്രില്ലറാണ്, ഒരു മുറുക്കിനെക്കാൾ കൂടുതൽ ട്വിസ്റ്റുകളുള്ള ഒരു മികച്ച കഥ ഉണ്ടായിരുന്നിട്ടും, ഒരിക്കലും അതിന്റെ പൂർണ്ണ ശേഷിയിൽ എത്തുന്നില്ല." എന്ന് ദ ഹിന്ദുവിലെ ശിൽപ നായർ ആനന്ദ് എഴുതി.[14]