മമിത ബൈജു
മലയാള ചലച്ചിത്രമേഖലയിൽ പ്രവർത്തിക്കുന്ന ഒരു അഭിനേത്രിയാണ് മമിത ബൈജു.[2][3] 2017-ൽ വേണുഗോപനൻ സംവിധാനം ചെയ്ത സർവോപരി പാലാക്കാരൻ എന്ന ചിത്രത്തിലൂടെയാണ് അരങ്ങേറ്റം കുറിച്ചത്. ഓപ്പറേഷൻ ജാവ (2021) എന്ന ചിത്രത്തിലെ അൽഫോൻസ, ഖോ ഖോ (2021) എന്ന ചിത്രത്തിലെ അഞ്ജു, സൂപ്പർ ശരണ്യ (2022) എന്ന ചിത്രത്തിലെ സോന പ്രേമലു (2024) ലെ റീനു എന്നീ വേഷങ്ങളിലൂടെ പ്രശസ്തിയിലേക്ക് ഉയർന്നു.[4][5][6]
മമിത ബൈജു | |
---|---|
ജനനം | നമിത ബൈജു[1] 22 ജൂൺ 2000 കിടങ്ങൂർ,ഇന്ത്യ |
ദേശീയത | ഇന്ത്യൻ |
തൊഴിൽ | നടി |
സജീവ കാലം | 2017–തുടരുന്നു |
മാതാപിതാക്ക(ൾ) | ബൈജു കെ., മിനി ബൈജു |
ആദ്യകാലജീവിതം
കേരളത്തിലെ കോട്ടയം ജില്ലയിലെ കിടങ്ങൂർ സ്വദേശിയാണ് മമിത ബൈജു.[7] ഡോ.ബൈജു കൃഷ്ണൻ, മിനി ബൈജു എന്നിവർ മാതാപിതാക്കളും മിഥുൻ ബൈജു മൂത്ത സഹോദരനുമാണ്.
കട്ടച്ചിറ മേരി മൗണ്ട് പബ്ലിക് സ്കൂൾ, കിടങ്ങൂർ എൻ.എസ്.എസ്. ഹയർ സെക്കൻഡറി സ്കൂൾ എന്നിവിടങ്ങളിൽ നിന്നും സ്കൂൾ വിദ്യാഭ്യാസം പൂർത്തിയാക്കിയ മമിത ഇപ്പോൾ കൊച്ചിയിലെ സേക്രഡ് ഹാർട്ട് കോളേജിൽ മനഃശാസ്ത്രത്തിൽ ബിരുദത്തിന് പഠിക്കുന്നു.
പുരസ്ക്കാരങ്ങൾ
ഖോ ഖോ എന്ന ചിത്രത്തിലെ പ്രകടനത്തിന് 2020-ലെ മികച്ച സഹനടിക്കുള്ള കേരള ഫിലിം ക്രിട്ടിക്സ് അവാർഡ് ലഭിച്ചു.[8]