ടി.ഡി. രാമകൃഷ്ണൻ

1961-ൽ തൃശൂർ ജില്ലയിലെ എയ്യാലിൽ ജനിച്ചു. അച്ഛൻ ദാമോദരൻ ഇളയത്. അമ്മ ശ്രീദേവി അന്തർജ്ജനം. പത്താംക്ലാസുവരെ കുന്നംകുളം ബോയ്സിലും എരുമപ്പെട്ടി ഗവ. ഹൈസ്കൂളിലും. പ്രീഡിഗ്രിയും ഡിഗ്രിയും ആലുവ യു.സി. കോളേജിൽ. 1981-ൽ സേലത്ത് ടിക്കറ്റ് കളക്ടറായാണ് ഔദ്യോഗിക ജീവിതം ആരംഭിച്ചത്. 1982 മുതൽ ഒന്നര കൊല്ലത്തോളം കോഴിക്കോട്ട് ജോലിയെടുത്തു. 1983-ൽ ടിക്കറ്റ് എക്സാമിനറായി മദ്രാസിലും സേലത്തും ജോലി ചെയ്തു. 1985-ൽ പാലക്കാടെത്തി. 30 വർഷത്തോളമായി പാലക്കാട് ജീവിക്കുന്നു. ഇടയിൽ മൂന്നരവർഷം ചരക്കുവണ്ടികളുടെ ഗാർഡുമായിരുന്നു. 1995 മുതൽ പാലക്കാട് ഡിവിഷണൽ ഓഫീസിൽ കൺട്രോളറായി. 2006 മുതൽ 2016 ജനുവരി 31 വരെ ചീഫ് കൺട്രോളറായി സേവനമനുഷ്ഠിച്ചു. ^[1]2016 ജനുവരി 31-നു് സർവ്വീസിൽ നിന്നു സ്വയം വിരമിച്ചു. സാഹിത്യലോകത്ത് സജീവമാകുന്നതിനു വേണ്ടിയാണു റെയിൽവേയിൽ നിന്നും സ്വയം വിരമിച്ചത്.^[2][1]ഭാര്യ ആനന്ദവല്ലി, മകൻ - വിഷ്ണു രാമകൃഷ്ണൻ, മകൾ - സൂര്യ ^[1]

ഔദ്യോഗികജീവിതത്തിന്റെ ഏറിയ ഭാഗം തമിഴ്‌നാട്ടിൽ കഴിച്ച രാമകൃഷ്ണൻ തമിഴ് സാഹിത്യവുമായി ഗാഢബന്ധം പുലർത്തുന്നു. തമിഴ്‌ സാഹിത്യരചനകളെ പരിഭാഷകളിലൂടെ മലയാളികൾക്ക് പരിചയപ്പെടുത്തുന്ന അദ്ദേഹം^[3], മികച്ച തമിഴ്-മലയാള വിവർത്തകനുള്ള 2007-ലെ ഇ.കെ. ദിവാകരൻ പോറ്റി അവാർഡും "നല്ലി ദിശൈ എട്ടും" അവാർഡും നേടിയിട്ടുണ്ട്. ആഗോളതലത്തിൽ കച്ചവടമുതലാളിത്തം വിജയക്കൊടിനാട്ടാൻ തുടങ്ങിയ 1990-കളുടെ ആരംഭത്തിൽ മനസ്സിൽ രൂപപ്പെട്ട കഥാബീജത്തെ ആധാരമാക്കി രചിച്ച "ഫ്രാൻസിസ് ഇട്ടിക്കോര" മൂന്നു നോവലുകളുടെ ഒരു പരമ്പരയിൽ ആദ്യത്തേതായിരിക്കാമെന്ന് ഒരു അഭിമുഖ സംഭാഷണത്തിൽ രാമകൃഷ്ണൻ സൂചിപ്പിച്ചു.^[4]. "ആൽഫ" എന്ന നോവലാണ്‌ അദ്ദേഹത്തിന്റെ മുൻപ് പ്രസിദ്ധീകരിച്ച പ്രധാന കൃതി.2014 ൽ പ്രസിദ്ധീകരിച്ച നോവലാണ് സുഗന്ധി എന്ന ആണ്ടാൾ ദേവനായകി^[5]

• ആൽഫ - നോവൽ
• ഫ്രാൻസിസ് ഇട്ടിക്കോര - നോവൽ
• സുഗന്ധി എന്ന ആണ്ടാൾ ദേവനായകി - നോവൽ
• മ് - ക്ഷോഭാശക്തിയുടെ മ് എന്ന കൃതിയുടെ മലയാള പരിഭാഷ
• തമിഴ് മൊഴിയഴക് - അഭിമുഖങ്ങളുടെ സമാഹാരം
• തപ്പുതാളങ്ങൾ - ചാരുനിവേദിതയുടെ കൃതിയുടെ പരിഭാഷ^[1]
• മാമ ആഫ്രിക്ക - നോവൽ
• പച്ച മഞ്ഞ ചുവപ്പ് - നോവൽ
• അന്ധർ ബാധിരർ മൂകർ - നോവൽ

• ഇ.കെ ദിവാകരൻ പോറ്റി അവാർഡ് - 2007
• നല്ലി ദിശൈ എട്ട് അവാർഡ്
• ഭാഷാ ഇൻസ്റ്റിറ്റ്യൂട്ടിന്റെ ബഷീർ പുരസ്കാരം - 210
• കോവിലൻ സ്മാരക നോവൽ പുരസ്കാരം - ഫ്രാൻസിസ് ഇട്ടിക്കോര </ref>കോവിലൻ സ്മാരക നോവൽ പുരസ്‌കാരം ടി.ഡി. രാമകൃഷ്ണനും അംബികാസുതൻ മാങ്ങാടിനും</ref>
• കെ. സുരേന്ദ്രൻ നോവൽ പുരസ്കാരം - സുഗന്ധി എന്ന ആണ്ടാൾ ദേവനായകി - 2015 ^[6]
• എ. പി. കളയ്ക്കാട് പുരസ്കാരം - സുഗന്ധി എന്ന ആണ്ടാൾ ദേവനായകി - 2016^[7]
• വയലാർ പുരസ്കാരം - കൃതി : സുഗന്ധി എന്ന ആണ്ടാൾ ദേവനായകി^[8]
• കേരള സാഹിത്യ അക്കാദമി അവാർഡ് - സുഗന്ധി എന്ന ആണ്ടാൾ ദേവനായകി - 2016

മാമ ആഫ്രിക്ക’; അതിശയം സൃഷ്ടിച്ച ആഖ്യാനം^[1] https://www.dcbooks.com/review-of-mama-africa-by-johny-m-l.html

• 
  കെ.ഇ.എന്നിനൊപ്പം
• 
  പ്രഭാഷണ വേദിയിൽ
• 
  സോളിഡാരിറ്റി യൂത്ത് മൂവ്മെൻറ് നടത്തുന്ന ഫാഷിസ്റ്റ് വിരുദ്ധകാമ്പയിൻ ഉദ്ഘാടന വേദിയിൽ സംസാരിക്കുന്നു
• 
  മുംബൈയിൽ ഒരു സാഹിത്യക്യാമ്പിൽ പ്രഭാഷണം നടത്തുന്നു, ജനുവരി 2018

T. D. Ramakrishnan എന്ന വിഷയവുമായി ബന്ധപ്പെട്ട ചിത്രങ്ങൾ വിക്കിമീഡിയ കോമൺസിലുണ്ട്.