ഫിറോസ ബീഗം

ഫിറോസ ബീഗം 1930 ജൂലൈ 28ന് ഗോപാൽഗഞ്ച് ജില്ലയിൽ മുഹമ്മദ് ഇസ്മായീലിന്റെയും കൗകബുന്നീസയുടെയും പുത്രിയായി ജനിച്ചു.^[2]ചെറുപ്പത്തിൽ തന്നെ സംഗീതത്തിലേക്ക് കടന്നുവന്നു.^[3][3] 1940ൽ സംഗീത ജീവിതം ആരംഭിച്ചു.^[4]

ആറാം തരത്തിൽ പഠിക്കുന്ന കാലത്ത് ആദ്യമായി ഓൾ ഇന്ത്യാ റേഡിയോയിൽ ഗാനം ആലപിച്ചു. പത്താം വയസ്സിൽ ദേശീയ കവി കാസി നസ്‌റുൽ ഇസ്ലാമിനെ കണ്ടുമുട്ടുകയും അദ്ദേഹത്തിന്റെ ശിഷ്യത്വം സ്വീകരിക്കുകയും ചെയ്തു.1942ൽ ഗ്രാമഫോൺ റെക്കോർഡ് കമ്പനിയായ എച്എംവിയിൽ 78 ആർപിഎം ഡിസ്‌ക്ക് ഫോർമാറ്റിൽ അവരുടെ ആദ്യത്തെ ഇസ്ലാമിക്ക് ഗാനം റെക്കോർഡ് ചെയ്തു.അതിനുശേഷം 12 എൽപി, 4 ഇപി, 6 സിഡി , 20 ഓഡിയോ കാസറ്റുകൾ എന്നിവ പുറത്തിറക്കി. 1954 മുതൽ1967 കൊൽക്കത്തയിൽ ജീവിക്കുകയും 1967ൽ ധാക്കയിലേക്ക് താമസം മാറ്റുകയും ചെയ്തു.

1956ൽ ഫിറോസ ബീഗം കമാലുദ്ധീൻ അഹ്മദിനെ വിവാഹം കഴിച്ചു (വിവാഹത്തിന് മുമ്പ് ഇദ്ദേഹം കമൽദാസ് ഗുപ്ത എന്ന അമുസ്ലിമായിരുന്നു). ഗായകൻ, സംഗീതജ്ഞൻ, ഗാനരചയിതാവ് എന്നീ നിലകളിൽ അദ്ദേഹം അറിയപ്പെട്ടു. 1974 ജൂലൈ 20ന് അദ്ദേഹം മരണപ്പെട്ടു. അവരുടെ മൂന്ന് മക്കളിൽ ഹാമിൻ അഹ്മദും ഷഫിൻ അഹ്മദും സംഗീതജ്ഞരാണ്. അവർ രണ്ടുപേരും നിലവിൽ റോക്ക് ബാന്റ് മൈലിന്റെ അംഗങ്ങളാണ്.

ഫിറോസ ബീഗം 2014 സെപ്റ്റംബർ 9ന് ഹൃദയാഘാതം മൂലം ധാക്കയിലെ അപ്പോളോ ആശുപത്രിയിൽ വച്ച് മരിച്ചു.