ബാബു ജനാർദ്ദനൻ

ജനാർദ്ദനന്റെയും പങ്കജാക്ഷിയുടെയും മകനായി ചങ്ങനാശ്ശേരിയിലാണ് ബാബു ജനാർദ്ദനൻ ജനിച്ചത്. മടപ്പള്ളി ഗവ: എൽ.പി.എസ്., ഗവ: എച്ച്.എസ്.എസ്. തൃക്കൊടിത്താനം, എ.പി. സ്കൂൾ ഓഫ് ആർട്ട്സ് കോട്ടയം എന്നിവിടങ്ങളിലായാണ് വിദ്യാഭ്യാസം പൂർത്തിയാക്കി. പിന്നീട് മലപ്പുറം ജില്ലയിലെ തിരൂരിലെ സി.ടി.പി.എച്ച്.എം.എച്ച്.എസ്സിൽ അധ്യാപകനായി പ്രവർത്തിച്ചു.

ചലച്ചിത്രജീവിതം

പി. അനിൽ സംവിധാനം ചെയ്ത 1990-ൽ പുറത്തിറങ്ങിയ അനന്തവൃത്താന്തം ആണ് ബാബു ജനാർദ്ദനൻ തിരക്കഥ രചിച്ച ആദ്യ ചലച്ചിത്രം. ബാബു ജനാർദ്ദനന്റെ രചനയിൽ ലാൽ ജോസ് സംവിധാനം ചെയ്ത അച്ഛനുറങ്ങാത്ത വീട് 2005-ലെ മികച്ച രണ്ടാമത്തെ ചിത്രത്തിനുള്ള കേരളസംസ്ഥാന ചലച്ചിത്രപുരസ്കാരം നേടി.

2011-ൽ പുറത്തിറങ്ങിയ ബോംബെ മാർച്ച് 15 ആണ് ആദ്യമായി സംവിധാനം ചെയ്ത ചലച്ചിത്രം. 1994-ൽ അൽഫോൻസാമ്മയുടെ ജീവിതത്തെ ആസ്പദമാക്കി സഹനങ്ങളുടെ അമ്മ എന്ന പേരിൽ ഒരു ഡോക്യുമെന്ററിയും ബാബു ജനാർദ്ദനൻ സംവിധാനം ചെയ്തിട്ടുണ്ട്.^[3]

രചന നിർവ്വഹിച്ച ചലച്ചിത്രങ്ങൾ

• അനന്തവൃത്താന്തം (1990)
• ഒരു കൊച്ചു ഭൂമികുലുക്കം (1992)
• സുദിനം (1994)
• മാണിക്യച്ചെമ്പഴുക്ക (1995)
• വർണ്ണപ്പകിട്ട് (1997)
• അനുഭൂതി (1997)
• പഞ്ചലോഹം (1998)
• തച്ചിലേടത്ത് ചുണ്ടൻ (1999)
• ചന്ദ്രനുദിക്കുന്ന ദിക്കിൽ (1999)
• ഡ്രീംസ് (2000)
• ചതുരംഗം (2002)
• അച്ഛനുറങ്ങാത്ത വീട് (2006)
• വാസ്തവം (2006)
• അവൻ ചാണ്ടിയുടെ മകൻ (2007)
• തലപ്പാവ് (2008)
• സിറ്റി ഓഫ് ഗോഡ് (2011)
• ബോംബെ മാർച്ച് 12 (2011)

സംവിധാനം ചെയ്ത ചലച്ചിത്രങ്ങൾ

• ബോംബെ മാർച്ച് 12 (2011)
• ഗോഡ് ഫോർ സെയിൽ: ഭക്തിപ്രസ്ഥാനം (2012)