മാസ്സ് സ്പെക്ട്രോമെട്രി

എല്ലാ മാസ് സ്പെക്ട്രോമീറ്ററിനും മൂന്ന് അടിസ്ഥാനഭാഗങ്ങളുണ്ടായിരിക്കും. അവ താഴെപ്പറയുന്നു.

1. അയോൺ സ്രോതസ്.
2. മാസ്സ് അനലൈസർ
3. ഡിറ്റക്റ്റർ

തിരിച്ചറിയേണ്ട പദാർത്ഥത്തിൽ ഇലക്ട്രോണുകളെ ശക്തിയായി പതിപ്പിക്കുന്നു. അങ്ങനെ ആ പദാർത്ഥത്തിലെ അണുക്കൾ അയോണുകളായി മാറുന്നു (ചാർജുള്ള അണുക്കൾ). ഈ അയോണുകളെ ഒരു കാന്തികക്ഷേത്രത്തിലൂടെ കടത്തിവിടുകയും ഈ കാന്തികക്ഷേത്രം വിവിധ അയോണുകളെ അവയുടെ പിണ്ഡത്തിനനുസൃതമായി വ്യത്യസ്ത അളവിൽ സഞ്ചാരപാതക്ക് മാറ്റം വരുത്തുകയും ചെയ്യുന്നു. അങ്ങനെ കാന്തികക്ഷേത്രം ഈ അയോണുകളുടെ പാറ്റേൺ ഉണ്ടാക്കുന്നു. ഇതിനെയാണ് മാസ് സ്പെക്ട്രം എന്നു പറയുന്നത്. അയോണുകളുടെ സ്പെക്ട്രത്തിലെ സ്ഥാനം നോക്കി അതിന്റെ പിണ്ഡവും, ചാർജും കണക്കാക്കാൻ സാധിക്കും. ഇങ്ങനെയാണ് ഒരു പദാർത്ഥത്തിലെ അണുക്കളെ ശാസ്ത്രജ്ഞർ തിരിച്ചറിയുന്നത്.

ഈ ഉപകരണത്തിൽ നടക്കുന്ന പ്രവർത്തനത്തിന്റെ വിവിധ ഘട്ടങ്ങൾ ഇവയാണ്‌.

• പരിശോധിക്കേണ്ട വസ്തുവിൽ നിന്നും അയോണുകൾ ഉണ്ടാക്കുക.
• വ്യത്യസ്ത പിണ്ഡമുള്ള അയോണുകളെ വേർതിരിക്കുക.
• വിവിധ പിണ്ഡമുള്ള അയോണുകളേയും തിരിച്ചറിഞ്ഞ് അവയുടെ എണ്ണമെടുക്കുക.
• ഈ വിവരത്തിൽ നിന്നും മാസ് സ്പെക്ട്രം നിർമ്മിക്കുക.

അറിയപ്പെടാത്ത സം‌യുക്തങ്ങളെ തിരിച്ചറിയുന്നതിനും, സം‌യുക്തത്തിലെ ഐസോട്ടോപ്പുകളുടെ മിശ്രണം കണ്ടെത്തുന്നതിനും, സം‌യുക്തത്തിന്റെ ഘടന മനസ്സിലാക്കുന്നതിനും മറ്റുമായി നിരവധി ഉപയോഗങ്ങൾ ഇതിനുണ്ട്.

• ഡോർലിങ് കിൻഡർസ്ലെയ് - കൺസൈസ് എൻസൈക്ലോപീഡിയ സയൻസ് - ലേഖകൻ: നീൽ ആർഡ്‌ലി

ഈ ലേഖനം അപൂർണ്ണമാണ്‌. ഇതു പൂർത്തിയാക്കുവാൻ സഹകരിക്കുക.