ലഞ്ച് എടോപ് എ സ്കൈസ്‌ക്രാപ്പർ

1932 സെപ്റ്റംബർ 20-ന് ന്യൂയോർക്ക് സിറ്റിയിലെ മാൻഹട്ടനിലെ RCA ബിൽഡിംഗിന്റെ അറുപത്തിയൊമ്പതാം നിലയിൽ നിലത്തു നിന്ന് 850 അടി (260 മീറ്റർ) ഉയരത്തിലുള്ള ഉരുക്ക് ബീമിൽ ഇരിക്കുന്ന പതിനൊന്ന് ഇരുമ്പ് തൊഴിലാളികളുടെ ബ്ലാക്ക് ആൻഡ് വൈറ്റ് ഫോട്ടോഗ്രാഫാണ് ലഞ്ച് എടോപ് എ സ്കൈസ്‌ക്രാപ്പർ. അംബരചുംബികളെ പ്രോത്സാഹിപ്പിക്കുന്ന ഒരു കാമ്പെയ്‌നിന്റെ ഭാഗമായ ഒരു പബ്ലിസിറ്റി സ്റ്റണ്ടായിട്ടാണ് ഇത് ക്രമീകരിച്ചത്. 1932 ഒക്ടോബറിൽ റോക്ക്ഫെല്ലർ സെന്ററിന്റെ നിർമ്മാണ വേളയിലാണ് ഫോട്ടോ ആദ്യമായി പ്രസിദ്ധീകരിച്ചത്. പിന്നീട് 1995-ൽ കോർബിസ് ഇമേജസ് ഇത് ഏറ്റെടുത്തു.

ഫോട്ടോഗ്രാഫറുടെ ഐഡന്റിറ്റി അജ്ഞാതമായി തുടരുന്നെങ്കിലും ഫോട്ടോഗ്രാഫർ ലൂയിസ് ഹീൻ ആണെന്ന് തെറ്റിദ്ധരിച്ചിരുന്നു. ഫോട്ടോ ചാൾസ് സി. എബ്ബെറ്റ്സ് എടുത്തതായി സൂചിപ്പിക്കുന്ന തെളിവുകൾ ഉയർന്നുവന്നിരുന്നു. എന്നാൽ മറ്റ് ഫോട്ടോഗ്രാഫർമാർ ചിത്രമെടുക്കുമ്പോൾ ഹാജരായിരുന്നുവെന്ന് പിന്നീട് കണ്ടെത്തി. ചിത്രത്തിലെ പുരുഷന്മാരുടെ ഐഡന്റിറ്റികളെക്കുറിച്ച് പല അവകാശവാദങ്ങളുണ്ടായെങ്കിലും കുറച്ചുപേരെ മാത്രമേ കൃത്യമായ തിരിച്ചറിഞ്ഞിട്ടുള്ളൂ. കോൺബിയസിന്റെ ചരിത്ര ശേഖരണത്തിന്റെ മാനേജർ കെൻ ജോൺസ്റ്റൺ, ചിത്രം "അമേരിക്കൻ ചരിത്രത്തിന്റെ ഒരു ഭാഗം" എന്ന് പരാമർശിക്കുന്നു. ^[1] മെൻ അറ്റ് ലഞ്ച് ഡോക്യുമെന്ററി ഫിലിം ഈ ഫോട്ടോയെ അടിസ്ഥാനമാക്കിയുള്ളതാണ്.